Zigilu-markatzekoa

Zigilu-markak frankeoa gutxi erabiltzen zelako sortu ziren, eta azken urteetan beste balio bat hartu dute filatelia bildumazaleen artean eragindako inpaktuagatik. Izan ere, daramaten inprimaketa gure gizarteko gertaera, balio nahiz lorpen handien oihartzuna dira, eta Correoseko zigiluaren irudia eta presentzia indartzen dute.

Bi zigilu-marka mota ditugu:

OROIGARRIZKO ZIGILU-MARKAK gertaera, urtemuga edo ospakizun baten harira sortutakoak dira “kanpoko batek eskatua Correosi”, dela partikularki dela korporazio baten izenean, edozein organismo edo erakundek eskatuta. Inprimaketan txertatutako irudi/testuaren bidez oroigarrizko gertaera bat islatzen dute Correoseko logoaren eta ikurraren bermea daramatela, urteko zenbaki korrelatiboarekin. Zigilu-marka hau Correosek onartzen eta baimentzen du, eta Correoseko aldi baterako bulegoetan edo bulego iraunkorretan eskuz obliteratzeko erabiltzen dira.

POSTALEN ZIGILU-MARKAK gaiaren aldetik kontzeptu global edo partikular bat jasotzen dutenak dira “Correosek sortu eta jaulkia”; datatzailea izan dezakete. Irudia/testua daraman arrastoak hautatutako kontzeptuari egiten dio aipamen, Correoseko logo eta ikurraz lagunduta. Hauetan sailkatzen dira:

   1. Bereziak: Correosekoak ez diren pertsonek baimendu eta prestatutakoak. Erabiltzeko, Filatelia Azpizuzendaritzaren baimena behar dute. Adibidez: ikerketa-baseak, militarrak, etab.

   2. Operatiboak: Posta-bulegoetan obliteratzeko erabiltzen dira. Gaur egun, bi hauetan banatzen dira: Bulego nagusietako operatiboak eta Turistikoak.

   3. Zirkulazioan den lehen eguna. Zigiluak zirkulazioan diren lehen eguna oroitzen duten zigilu-markak.

   4. Aurkezpen zigilu-markak. Zigilua aurkezteko ekitaldiaren egunari dagokion zigilu-marka.

Web honetan POSTALAK atalean agertzen dira zigilu-marka Bereziak, Operatiboak eta Aurkezpenekoak.