Jaulkipen data: 08 iraila 2017
Pertsona Ospetsuak. Julià Reig i Ribó
Aurtengo Pertsona Ospetsuak serieak Andorrako Printzerrian XX. mendeko bigarren zatiko pertsona nabarmenetako bat omentzen du: Julià Reig i Ribó. Enpresaria, bankaria eta Printzerriarentzat garrantzi handiko politikaria izan zen haren aurrerapena eta modernizazioa bultzatzean.
Valls d’Andorrako Conseller Nagusia izan zen 1948tik 1959ra bitartean, eta bi aldiz Sindic Nagusia izendatu zuten, lehena 1960-1966 bitartean eta bigarrena 1960-1978 bitartean. Bere agintaldian Gizarte Segurantzaren sorrera sustatu zuen eta herrialdea kanpora zabaltzea, erreforma politiko eta sozialak bultzatzeaz gain, zeinak Andorrako Printzerriko lehen Konstituzioari bide emango baitzioten 1993. urtean.
Enpresari gisa Tabacs Reig familia-enpresarekin jarraitu zuen, Rafael Reig Sans aitonak 1880. urtean sortutakoarekin, alegia.
Gero Banca Reig sortu zuen, herrialdeko enpresa-jarduera finantzatzera zuzendutako bankua. 2001. urtean bankua Banc Agrícol i Comercial d’Andorra-rekin bat egiteko prozesuari ekin zion, eta handik urte batera Andorra Banc Grup Agrícol Reig banku berria sortu zen, egun mundu mailan Andbank marka komertzialarekin ezagutzen dena.
Julià Reigen legatuak bizirik dirau bere izena daraman fundazioan. Juliarentzat erakunde hori zen “enpresari baten txertaketa bere jarduera gauzatzen duen komunitatean eta gizartean”, eta izpiritu hori dute haren ondorengoek lagun andorratar gizartetik interes orokorrari begira sortzen diren ekimenak sustatu eta babestean.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.