Jaulkipen data: 05 ekaina 2018
Urteurrenak. 25 Anys del establiment de les relacions bilaterals amb Espanya
Urte honetan, Andorrako Konstituzioaren 25. urteurrenaren oroitzapenaren urtean, Espainiarekin aldebiko harremanen hasiera ere ospatzen da.
Konstituzioaren testuan bertan, lehen xedapen gehigarrian, hiru alderen (Andorra, Espainia eta Frantzia) arteko itun bat sinatzea aipatzen da, Andorra eta aldamenetako bi herrialdeen arteko harremanak arautuko lituzkeena, Andorraren subiranotasunaren, independentziaren halaber lurralde-osotasunaren errespetuan oinarrituta.
Ituna 1993ko ekainean sinatu zen eta Andorra, Espainia eta Frantziaren arteko Auzotasun Jatorraren, Adiskidetasunaren eta Lankidetzaren Ituna izena jarri zitzaion.
Bere artikuluetan, Itunak Andorrako Printzerria estatu subiranotzat aintzatesten du, eta bi herrialdeek haren independentzia eta lurralde-osotasuna errespetatzeko konpromisoa hartzen dute. Harreman diplomatikoak ezartzen dira eta baita nazioarteko hitzarmen eta erakundeetara atxikitzeari, kontsularitza-ordezkaritza ere, besteak beste.
Gaur egun, bikainak dira bi herrialdeen arteko harremanak, eta bietako gobernuak beharrezko lankidetza-mekanismoez horniturik daude auzotar jator bezala aurkez daitezkeen arazoak aurreikusteko edo, hala badagokio, konpontzeko.
Harreman bikain horien adibide dira sinatu izan diren itun eta akordio anitzak eta Ministro eta bestelako autoritate-mailen artean izandako bisita ugariak, zeinak 2015eko urtarrilaren 7 eta 8an Espainiako Gobernuko presidente Mariano Rajoyk Printzerrira egindako bisitarekin jo baitzuten goia, Espainiako Gobernuko presidente batek Andorrara egindako lehen bisita izan baitzen.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.