Jaulkipen data: 14 martxoa 2018
URTEURRENAK. Konstituzioaren 25. urteurrena
1993ko martxoaren 14an Andorrako Printzerriko Konstituzioa (Constitució del Principat d’Andorra) berretsi zen erreferendum bidez. Lege hori ezinbestekoa izan zen printzerria Zuzenbide Estatu bilakatzeko.
Horren aurretik, urte bereko otsailaren 2an, Kontseilu Nagusiak legearen testu berria onartu zuen aho batez, eta erreferenduma egin ondoren indarrean sartu zen, apirilaren 28an. Egun horretan Andorrako Printzerriko Aldizkari Ofizialean argitaratu zen.
Sindiko nagusiak (garai hartan, Jordi Farràs Forné jauna zegoen karguan) eta Andorrako bi koprintzeek, Frantziako Errepublikako presidenteak(garai hartan, François Mitterrand) eta Urgelgo apezpikuak (garai hartan, Joan Martí Alanís) Andorrako Konstituzioa zehatu, berretsi eta aldarrikatu zuten. Konstituzio berria indarrean sartu zenetik, bi koprintzeak batera dira Estatuko buruzagiak.
Europako beste konstituzioen antzeko egitura dauka: hitzaurrea, konstituzioaren oinarri nagusiak deskribatzen dituena; 107 artikulu, 9 titulutan antolatuta; bi xedapen gehigarri; hiru xedapen iragankor; xedapen indargabetzaile bat eta azken xedapen bat.
Andorrako Magna Carta onartzean eta berrestean, Printzerria estatu independentea zela aitortu zen, zuzenbide estatua, demokratikoa eta soziala. Errealitate hori, Andorraren subiranotasuna eta independentzia, lurraldeko historian zehar konfiguratu zen, izan ere, 1278. urtean Foixko kondeak eta Urgelgo apezpikuak lehenengo “pareatge” delakoa (jabekidetza akordioa) sinatu zutenetik, politikoki independentea izan da Andorra, koprintzeen babespean.
Konstituzioak Printzerria modernizatzeko balio izan zuen, testuak oinarrizko printzipio eta balioak jasotzen baitzituen, eta Andorra Europako herrialde aurreratuagoen parean jartzen zuen.
Ikusi baita ere “Lehen Eguneko Gutun-azala” - “Zigilu-marka”
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.