Jaulkipen data: 05 uztaila 2018
Urteurrenak. Any Europeu del Patrimoni Cultural
2018. urte osoan zehar, Europar Batasunak “Gure ondarea: iragana eta etorkizuna elkartzen diren lekua” goiburupean “Kultur Ondarearen Urte Europarra” ospatzen du. Ospakizun honek Europar Batasunean dauden herrialdeen kultur ondarearen aberastasuna ezagutarazi nahi du. Ondareak forma eta itxura ugari hartzen ditu barne; bazterrak, monumentuak, ohitura eta tradizioak, agiritegi eta liburutegiek gordetzen dituzten bilduma dokumental eta bibliografikoak zein museoek erakusgai dituzten obrak.
Ospakizun honen bitartez, kulturaren transmisioa herritar guztiei heldu dadin duen garrantzia zein ondarearen aberastasun eta botere ekonomikoa azpimarratzen da. Gainera, aurrez aurre ipintzen zaizkion zailtasun eta erronkak nabarmentzen dira, hala nola inguru digitalerako trantsizioak dakartzan ondorioak, ondarearen zati diren bazterretan eragina duen ingurune-presioa edo kultura-ondasunen legez kontrako salerosketa.
Andorrako Printzerriak ospakizun honekin egiten du bat egintza eta ekitaldien egitarau zabal baten bitartez; Printzerriko eliza bereizgarrienetan kontzertuak, konferentziak, argitaragabeko dokumentalak zein hainbat erakusketa, hala nola Isabelle Sandy idazleari edo James Kirkup olerkari eta bidaiari ingelesari eskainitakoak edo Pau Xavier d’Areny-Plandolit-en bizitza zoragarriari eskainitakoa, mediku, taxidermista eta magoa, ilusionismozko truko ugariren autorea, hain zuzen.
Ekintza hauen bitartez, Andorrako kultura-ondarea guztiz erakusten da eta Europako kultur ondarearekin tinko lotzen da, azkenean, historia eta europar balioez jabetzeko; beraz, identitate europarra sendotu egiten da.
Zigiluak Andorrako zenbait monumenturen skyline ezagun baten irudia erakusten du hondo urdin baten gainean, Any Europeu del Patrimoni 2018-ko ospakizunaren Govern d’Andorra-ren irudi instituzionalean oinarritzen dena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.