Jaulkipen data: 17 iraila 2018
Paisatges. Vista d’Andorra i Escaldes des dels Vilars
Le Corbusier arkitekto ospetsuaren hitzetan, natura pasaia bilakatzen da gizakiak markoztatzen duenean; hitz horiek benetako esanahia hartzen dute Pasaiak serieko zigilu berria begiratzen dugunean. Zigiluaren ertz horzdunek osatzen duten markoarekin batera, Josep Moscardóren lanaren markoztatzea dugu: gaueko paisaia, hori da zigiluaren gaia. Gaueko paisaia erakusten duen olio-pintura da, Andorraren eta Escaldes d’Engordanyren ikuspegia erakusten duena.
Els Vilarsetik hartutako irudiak gauean lausotzen diren herriko kale eta etxeak erakusten ditu. Valiria ibaiaren ibilbideari jarraitzen diote, koadroaren erdialdean. Ibaibide bihurgunetsuak gure ikusmena ilunpean dauden mendietarantz eramaten du, herria mehatxatzen ari balira bezala. Irudian, ilunabarrean agertzen diren argiak, eskasak, etxeetako leihoetan ikus daitezke.
Lan hau inpresionismo-ondoko tradizio sendoaren eremuan kokatzen da, XX. mendeko Kataluniako goreneko pintore kolorezaleengan inspiratuta, hots, Joaquín Mir, Josep Amat edo Ramón Sanvisens. Gainera “fauves” erreferentziak ere biltzen ditu. Pintura hau kolore eta argiaren konplexutasunean barneratzen da, bai eguneko bai eta gaueko atmosferetan. Egileak naturaltasuna islatzen du eta ingurunearen eta bidaien ikuspuntu baikorra erakusten du. Pintura espresiboa da, elkarrizketarako irekia, ulergarria, figuraren eta hiriko paisaiaren agerpenari irekita.
Josep Moscardók Bartzelonan ikasi zuen, hain zuzen Escuela de Bellas Artes Sant Jordi eta Escuela de la Llotja ikastetxeetan. Pinturaz gain, eskulturan eta lan grafikoetan aditua da. Oraindik estilo naturalean margotzen duen eta egunerokotasunaren poesia erakusten duen artista gutxietariko bat da. Tamaina handiko eszenografiez eta paisaiez gain, barneko lanak ere egin ditu, adibidez, kafe-eszenak eta figura-ikasketak.
Bere lanagatik hainbat sari jaso ditu, bai Espainian bai Frantzian, eta bere lanak mundu osoko erakusketa ugaritan erakutsi dira.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.