Jaulkipen data: 31 maiatza 2019
URTEURRENAK. CONCESSIÓ DE FHASA L´ANY 1929
Urteurrenen seriearekin batera, eta Andorrako zigiluen berritzeari jarraiki, bloke-orri lentikular bat egin nahi izan da Andorrako argia piztu eta itzali ahal izango duzun bilduma batean, 1929az gero elektrizitatea hornitzen duen enpresaren omenez. Orri honetan, Andorraren irudia ageri da inguruko mendiez markoztatuta, haranaren panoramika ederra ikusgai.
Duela 90 urte, hau da, 1929an, Andorrako Kontseilu Nagusiak Andorrako ibaiek eta lakuek sortzen zuten energia hidroelektrikoa ustiatzeko eskumena eman zion Fhasa enpresa pribatuari (Fuerzas Hidroeléctricas de Andorra, SA) etorkizunera begiratzen zuen baldintza batekin: enpresak bide-azpiegiturak hobetu eta eraiki behar zituen. Funtsezko erabakia izan zen, Haranak gerora bizitako hazkuntza ikusirik. Guztira, 41 kilometro errepide eraiki ziren, hiru tunel eta hamaika zubi, zentral hidroelektrikoak funtzionatzeko behar ziren azpiegitura guztia egiteaz gainera.
Ingeniaritza-lan eta logistika-lan ikaragarriak izan ziren horiek, kontuan izanda garai hartan azpiegiturak eta teknika nahiko eskasak zirela herrialdean. Ingeniaritza-lan tekniko gehienak Bartzelonatik zetozen, eta pieza eta material kualifikatuak ere Andorratik kanpo egiten ziren.
Zentral hidroelektrikoa 1934an jarri zen abian, eta bertan dirau gaur egun ere; Andorrarako izugarrizko garapena izan zen. Lanak amaitu ostean, 1935ean, Printzerriak bide-azpiegitura osoa lortu zuenez, kanpoaldearekin komunikatzeko aukera zuen; berezko energia elektrikoa ere bazuen, baita bankua, polizia eta telefonia-linea ere kanpoaldearekin.
Fhasa berreskuratu eta nazionalizatu egin zuen Andorrako Kontseilu Nagusiak 1988an, eta egun FEDA izenez ezagutzen da (Andorrako Indar Elektrikoak).
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.