Jaulkipen data: 08 azaroa 2019
ANDORRA. NADAL 2019. Angelots
Kerubin bat hautatu da Printzerriko urteko Eguberrietako jaulkipenerako. Mahats-mordo batekin agertzen da, Joan Bataiatzailearen erretaulako zutabe Salomoniko baten zirrikituetatik ateratzen. Kalkografia-inpresioko teknikaren bidez egin da zigilua; horren bidez, irudiak testura eta edertasun bereizgarriak ditu.
Erretaula bi erretaularen konbinazioa da. Bigarrena Santa Luziari eskainia da, eta biek Andorra La Vellako Sant Esteve eliza apaintzen dute. XI. eta XII. mende artean eraiki zen eliza eta Printzerriko zaharrenetako bat da. Zenbait aldaketa jasan ditu historian zehar; azkena, XX. mendean.
Joan Bataiatzaileari eskainitako erretaulak apaintzen du kaperaren goiko aldea. Estilo barrokoko urrezko koloreko erretaula bat da, 1707koa, bi pisutan eta hiru kaletan egituratua. Agertzen diren tailu nagusiak Joan Bataiatzaileari eskainita daude (beheran), eta Montserrateko Birjinari (goian). Eskultura biak beste tailu txikiago batzuekin inguratuta daude: San Markos eta San Roke, behean, eta San Pedro eta Frantzisko Xabierkoa, goian.
Orotara, obra bikaina da, arkitektura-diseinuagatik, ornamentazio zainduagatik, kromatismoari jarritako arretagatik eta urre kolorearen kalitatearengatik. Kaleak bereizten dituzten zutabeak gogoz apainduta daude aingeru, mahatsondo eta bestelako elementu sinbolikoekin.
Joan Bataiatzailearen sinbolismoa bataioaren sakramentuari eta Jordan ibaiko Jesukristoren bataioari buruzkoa da. Lau ebanjelio nagusietan aipatzen da, Zakarias apaizaren eta Isabelen seme gisa. Azkena, Mariaren lehengusina zen, Jesusen ama. Isabelek ezin zuen sortu haurrik, baina San Gabriel arkanjelua Zakariasi agertu zitzaion mutiko bat izango zutela jakinarazteko eta Jainkoak Joan deitzea nahi zuelako. Ebanjelioen arabera, Herodes Antipasek burua moztu zion Joani, bere ezkongai zen Salomé ilobak eskatuta.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.