Jaulkipen data: 22 iraila 2019
Paisatges. Molleres de Meritxell. Galobardes
Elurrak zuritutako mendikate eta landen neguko paisaia lasaia agertzen da, etxezarren tximinietatik kea dariola; horrek guztiak ohiz kanpoko berotasuna du Francesc Galobardes pintorearen lan honetan, aurtengo Paisaien sortako ilustrazioetan ikus daitekeen bezala.
Meritxellen oinean dagoen Mollereseko auzotegia agertzen da paisaia honetan. Herri honek XVIII. mendera arte hogeita hamar biztanle zituen, eta horiek zortzi etxetan bizi ziren; horien jatorriaren aztarnak XII. mendera arte jarraitzea erraza da, idatzizko dokumentuei esker. 1176. urtean, Andorrako 380 etxeko buruen eta Seu D’Urgell katedraleko kalonjeen artean sinatutako konkordatuan, Mir Guillem de Molleres aipatzen da. Froga zaharragorik aurkitu ez bada ere, baliteke toki honetan IX. mendean jendea bizitzen egotea, Santa Maria elizak eta bere kanposantuak lotutako Meritxell eta Mollereseko erdiguneek osatutako komunitate txikian.
60. hamarkadaren hasieratik Andorran finkatuta baina Riudauran (Girona) jaioa, Francesc Galobardes Andorrako paisaien pintorea da; bere lanak olioan egin zituen, espatulaz eta landan, bere bizitzan zehar. Batez ere neguko paisaiak gustuko zituelarik, elurrak izan ditzakeen tonu, egitura eta ñabardura ezberdinak islatzeko gai izan zen.
Autore ugaria izan zen, lau mila lan baino gehiagorekin; mundu osoko galeria ezberdinetan erakusketak egin zituen eta batez ere Printzerriko etxeetan balioesten zuten; bertan Galobardesen lan bat dute nagusi aretoan.
Gazte zenetik bere ingurumena pintzelekin erretratatzea zuen gustuko, eta zaletasun hori hobetzen joan zen Oloteko Escola d’Arts i Oficis-en.
Bere lan guztiak batez ere olioan egin zituen arren, tinta eta kanaberarekin ere saiatu zen, eta Printzerriko eliza eta ermita ugarietan aztarnak utzi ditu.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.