Jaulkipen data: 05 azaroa 2020
UNESCOREN MUNDUKO ONDARERAKO HAUTAGAITZA. Casa de la Vall
Casa de la Vall da Andorrako Printzerriak aurkeztutako hautagaitzako monumentuetako bat UNESCOren Gizadiaren ondarearen zerrendan gehitzeko. Nazioarteko hautagaitza da, Printzerriak gidatutakoa, Frantzia eta Espainiarekin batera. Helburua da zenbait leku aintzatestea, hiru herrialdeen artean banatuta daudenak. Lekuok garrantzitsuak izan dira Andorraren eraketa historikorako, prozesu paregabea izan baitzen Europako eraketa politikoko eta lurralde-eraketako historian.
Jaulkipenak motibo nagusi bat du: Casa del Valleko zigilua. Zigilua gubilaren kalkografia-prozedura tradizionalarekin egina dago. Zigiluaz gain, 2 biñeta ere daude, antzinako bi grabaturekin, Foixeko gazteluaren (Frantzia) eta Seuko katedralaren (Espainia) omenez.
Hautagaitzak Andorrako beste zenbait monumentu hartzen ditu barnean: Sant Joan de Caselles, Sant Romà de les Bons, Sant Martí de la Cortinada, Sant Climent de Pal, Santa Coloma, Sant Serni de Nagol eta Sant Miquel d’Engolasters elizak, baita Encampeko Torre dels Moros eta El Roc d’Enclar eta La Margineda arkeologia-aztarnategiak.
Casa del Vall hautagaitzaren monumentu nabarmenena da, Kontseilu Nagusiaren egoitza baitzen. Jatorrian Consell de la Terra gisa ezagutua, parlamentua da gaur egun eta Estatuaren botere legegilea du.
Eraikina Busquets familiarena zen, 1580an eraiki zuena, sarreran dagoen armarriak adierazten duen moduan. 1702an, Kontseilu Nagusiak eraikina lortu zuen, egoitza ezartzeko. Bertan, herrialdeko parrokien ordezkariak biltzen ziren, eta epai-egoitza ere bazen. 1962an, eraikina zaharberritu zen, Kontseiluaren beharretara egokitzeko. Azkenean, 2011n, beste eraikin batera joan ziren, eta eraikina Kontseiluaren egoitza historiko gisa mantendu da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.