Jaulkipen data: 21 urria 2020
DIVERSITAT ANDORRANA. Comunitat xinesa
Andorra harrera-herrialdea da, mundu osoko herrialdeetatik datozen migratzaileak ditu eta. Haien artean, komunitate txinatarra da estimatuenetako bat, lanerako duten prestutasunagatik eta Andorrako gizarte nahiz kulturan integratzeko erraztasunagatik.
Berrehun biztanle baino gehiagorekin, ostalaritzan eta Txinako Herri Errepublikan fabrikatutako produktuak inportatzen aritzen dira, gehienbat.
Komunitateak elkarte propio bat ere badu: Associació andorrana d’Amics de Xina. Elkartearen helburua da Andorrako Printzerriaren eta Txinako Herri Errepublikaren arteko harremana garatu eta indartzea hal lan eta merkataritza sektoreetan nola maila kultural eta sozialean.
Jaulkipen honetarako Correosek egindako bloke-orriak Txinako Herri Errepublikaren eta Andorrako Printzerriaren banderak uztartzen ditu bi marra zehiarren bidez, Printzerriaren armarriaren bidez bateratuta. Horren inguruan, herrialde bakoitzeko elementu bereizgarriak agertzen dira.
Txina ordezkatzeko, panda bat, Zeruko Tenplua eta Fu Lehoi edo Lehoi Zaindari Inperial bat agertzen dira. Azken horiei shi ere deitzen zaie eta Hiri Debekatuaren jauregi guneababesten dute. Sagu txiki baten irudiak egutegi txinatarreko urte honi dagokion animalia irudikatzen du.
Andorrako banderan, berriz, basoilar baten burua eta Andorra la Vellako Santa Coloma eliza agertzen dira. Azken horren kanpandorre bereizgarriaAndorrako paisaia menditsua hondoan duela agertzen da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.