Jaulkipen data: 11 otsaila 2020
URTEURRENAK. Gailur Iberoamerikarra
Andorrako Printzerrian egingo dute 2020ko azaroan Estatuburuen eta Gobernuen XXVII.Gailur Iberoamerikarra. Iberoamerikako 19 herrialdetako ordezkariak bilduko ditu, Espainia, Portugal eta Printzerrikoez gain.
2018ko azaroan, Andorrak bere gain hartu zuen Iberoamerikar Biltzarraren Pro Tempore Idazkaritza. Helburua zen Iberoamerikako Idazkaritza Nagusiarekin elkarlanean biltzarraren bilera, foru eta topaketa guztiak koordinatzea 2020ko Gailurrera arte.
“Berrikuntza garapen jasangarrirako –2030 helburu” lemapean, Andorraren asmoa da Iberoamerikan berrikuntza sustatzea, 2030eko Agendako Garapen Jasangarrirako Helburuak betetzeko. Horretarako, berrikuntzak eskaintzen dituen aukeretan jartzen du arreta, garapen jasangarriaren dimentsio anitzetatik abiatuta, hala nola soziala, kulturala, hezkuntzakoa, ingurumenekoa eta ekonomikoa.
Bilerak foru pribilegiatua dira gai aldeaniztunak tratatzeko; izan ere, alderdien arteko babesa, kontrola, ardura partekatua, guztiek onartutako arau estandarrak, eta elkarrizketarako eta ekimenerako mundu mailako espazioak errazten ditu. Horrez gain, parte-hartzaileen arteko konfiantza giroa sustatzen du, eta esperientziak trukatzea eta partekatzen diren posizioak hitzartzea ahalbidetzen du, eskualdeak dituen erronken aurrean.
Andorrak 2005ean sinatu zuen Iberoamerikako Idazkaritza Nagusia eratzeko hitzarmena. Gailurra, beraz, Printzerriaren parte-hartze aktiboaren 15. urteurrenarekin batera izango da
Zigiluak diseinuzkojoko bat du, Gailurraren logotipoaren formarekin, eta Santa Colomako eliza erakusten du.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.