Jaulkipen data: 05 azaroa 2020
EGUBERRIAK. NADAL. Sant Julià de Lòriako Sant Bartomeuko baldakinoa
Sant Bartomeuko kaperako baldakinoa, Sant Julià de Lòriako parrokiakoa, Andorrako Printzerriko arte sakratuko obra garrantzitsuenetako bat da. Egurrezko taula polikromatu batez osatutako errezel bat da; bertan, Jesusen gorespena irudikatzen da, koadroaren erdian, lau aingeruz inguratuta. Goiburu hau agertzen da: Jesusen izenaren aurrean, guztiak belaunika daitezela. Zeru, lur nahiz infernu. Taulak elementu gotiko nahiz errenazentistak erakusten dituenez, XV. mendekoa dela jakin dezakegu. Ondorioz, Andorran dauden pintura errenazentistako obra gutxietako bat da.
Errezela kaperako estalkiaren zinbrian kokatzen da, lau metroko altueran. Aldarean dagoen erretaula babesten du, baita presbiterioak sortzen duen guneari ohorea eman eta sakralizatu ere.
Denboraren eta ura estalkitik sartzean egindako kalteen poderioz,
margolana hondatu egin zen. 2005ean, modu bikainean zaharberritu zuen Mireia Garcíak, zeinaren ustez Çanou margolariak egin zuen baldakinoa.
Kaperaren aldarean agertzen den erretaulak predela, bi maila eta atari bat ditu. Bertan, Pietà, Kalbarioa eta San Bartolomeren martiritzaren eszenak agertzen dira, azkena lantze polikromatuaren bidez, erretaularen horma-hobi zentralean kokatzen dena.
Solsonako artxiboan gordetzen den jatorrizko dokumentazioaren arabera, 1606an, Cerverako Miquel Rubial eskultoreari eskatu zion lan hau Bartomeu Molesek, Molines Etxeko sendiaren buruak, etxe noble aberats eta ospetsuenetako bat eta kaperaren jabeak hainbat mendez.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.