Europa.- 2021. Perill-eko fauna. Trencalòs. Principat d' Andorra

EUROPA. Perill-eko fauna. Ugatzak

Ugatza (Gypaetus barbatus) putrearen antzeko animalia da eta duen izen bitxi hori elikatzeko duen moduari zor zaio. Izan ere, harrapakinak altuera handitik erortzen uzten ditu, eta lurraren kontra jotzean hezurrak zati txikiagotan puskatzen direlarik, bizkor askorik jaten ditu gero.

Pirinioetako eguneko hegazti harrapari handienetako bat da. Haren ezaugarriak zigiluan ikus daitezke, eta bere habitat naturalean erraz ezagutzeko aukera ematen du. Hegal luze eta estuak ditu, 3 metroko luzera izan dezaketenak, isatsa erronboide-formakoa da eta buru lumaztatua du. Azken horrek beste putre batzuetatik bereizten du, ez baitu burua eta lepoa hildako animalien gorpuetan sartu behar, soilik hezurretatik elikatzen delako. Batez ere hezurrak jaten dituenez, ezinbesteko animalia bihurtu da kate trofikoan, mendian hildako animalien gorpuen hondakinak deuseztatzen baititu.

Espezie hau oso zabaldurik dago Europan, baina desagertzeko arriskuan dago; izan ere, desagertu egin da ugaria zen hainbat eskualdetatik.

Pirinioetan dagoen populazioa Europako garrantzitsuenetariko eta bideragarrienetako bat da, neurri handi batean, Govern d’Andorrak eta Associació per a la Defensa de la Natura elkarteak egindako espeziearen kontserbazio eta sendotze lanari esker, PACT (Pla d’Actuacions per a la Conservació del Trencalós) programaren eremuan. Programa horretako jarduerak bost eremutan egituratzen dira: ugatz-populazioaren jarraipena, elikadura osagarrirako guneak ezartzea, hedapen soziala, komunikabideetan hedapena, eta nazioarteko programetan lankidetza.