Jaulkipen data: 20 ekaina 2005
Alacant izango da EXFILNAren edizio berri baten gertalekua, eta dagoeneko XLIII.a dugu. Erakusketa Filateliko Nazionala 2005arekin bat etorriz, ohiko izan den bezala, oroitzapenezko seilua agertzen duen bloke-orri bat jaulkitzen da. Seiluan Santa Barbara gazteluko Omenaldiaren dorrearen erreprodukzioa ikus daiteke eta bloke-orriak, berriz, Alacanteko ikuspegi orokorra eskaintzen digu hondoan; ikuspegi horren lehen planoan, seiluaren alboan, hondartza ikusten da, erdi-bitarteko plano batean palmondoz eta eraikinez hornituriko pasealekua eta, guztiaren atzean, Benacantil mendiaren arroka itzelak; 166 m-ko garaiera duen harkaitzaren gainean kokatuta dago Santa Barbara gaztelua.
Gaztelako Alfontso infanteak, gerora Alfontso X. Jakintsua izango zenak, gaztelua arabiarrei kendu zienean hartu zuen Santa Barbara izena, 1248ko abenduaren 4an gertatu baitzen hori, Santa Barbara egunean, hain zuzen ere. Jaime II.aren bitartez, Aragoiko erresumaren jabetzakoa izatera heldu zen. Zenbait mende geroago, Karlos I.ak hasi zituen gotortzeko lanak, baina, Felipe II.a errege zela iritsi zen gazteluaren behin betiko berrikuntza. Berari zor zaizkio oraino badirauten eraikinak eta esparruak. Frantsesek 1691n Alacanten egindako bonbardaketek, 1706tik 1709ra bitartean Ondorengotza-gerrako ekintza militarrek eta Cartagenako erreboltari kantonalistek 1873an Numancia fragatarekin egindako erasoek ia errautsi zuten gaztelua. Zaharberritze sakon bat egin eta gero, gotorlekua 1963an zabaldu zen jendearentzat eta honakoak geratu dira ikusgai, bertako hiru barrutietan: Ingelesen bastioia, Ingeniarien parkea, Ohorezko aretoa, Gobernadorearen etxea, Felipe II. aretoa, Armen barla, Zaingo-atala eta Erreginaren bastioia. Alacantek, hiri abegitsu eta modernoa izaki –325.000 biztanle inguru–, ekainaren 20tik 26ra bitartean besoak zabalik hartuko ditu filatelistak eta seiluzaleak. Espainiako filateliaren alorrean izan ohi den topaketarik garrantzitsuenetarikoa dugun EXFILNA eta bloke-orri berri honen jaulkipena, bildumazaletasuna duintzera datozkigu eta aurreko edizioen emaitza gisa sortutako gaikako saila, dagoeneko zabala izanda ere, aberastu egingo dute. De esta hoja bloque se realizó una Prueba de Artista con el sello en negro.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.