Jaulkipen data: 31 urria 2005
Eguberria 2005 gaiari eskainitako jaulkipenak bi seilu ditu: bata, gai klasikoa duelarik, Francisco Ribaltaren Erregeen Adorazioa irudikatzen duena eta, bestea, “Alexis” ezizenez ezagutzen den Pablo García López pintorearen hiru Errege Magoei buruzko irudi garaikidea. Eguberriko jaulkipen honetan, aurreko urteetan bezala, berriro nagusitu da teknika piktorikoa eta berriro ere aldizkatzen dira motibo zein egile klasikoak eta egungoak.
Francisco Ribalta (Solsona, 1565 - Valentzia, 1628) pintorearen Erregeen Adorazioa, Algemesí-ko San Jaime Apostoluaren basilika txikian dago gordeta eta 0,28 €-ko seiluan agertzen da bere irudia. Lehen planoan Ama Birjinaren irudia erakusten du, Haurtxoa belaunetan eserita duela eta Erregeetariko bat gurtzen ari dela; beste bi Erregeak, berriz, San Joseren ondoan azaltzen dira, bigarren planoan. Lan bikain horrek, Artzainen Adorazioarekin batera, Algemesí-ko basilikako erretaula nagusiko 19 pinturen multzoa osatzen zen. Erretaula Ribaltak Valentzian emandako egonaldian egin zen. Erregeen Adorazioa mihise gaineko olio-pintura da, 1604 inguruan egina; estilo manierista eta Italiako eragina ditu. Ribaltak, manierismoan hasi eta gero, bere lana adierazteko aukera egin zuen eta barrokoaren barruko naturalismo tenebristarantz aldatu zuen.
Beste seiluak –0,53 €-koa– “Alexis” ezizenez sinatzen duen Pablo García López pintorearen lan batean oinarrituak, hiru Errege Magoak irudikatzen ditu, urre, intsentsu eta mirrazko erregaliak erakusten. Alexisek, Zaragozan 1969an jaio eta bertako Arte eta Lanbideetako Eskolan ikasi zuenak, bere unibertso guztia betetzen du fantasiaz eta irudimenez, gizatasunetik baino primitibotasunetik eta animaliatasunetik hurbilago dauden hazpegiak dauzkaten izaki irreal edo surrealistez. Pintatzen hasi zenetik, paisaiak eta irudiak txandakatu izan ditu, azken horietan bildu baditu ere lorpenik handienak, bere “kreaturen” alde arrazionalak eta irrazionalak erakutsiz. Laurogeita hamarreko hamarkadaz geroztik, banaka eta taldean egin du bere lanaren zenbait erakustaldi, hainbat galeriatan.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.