Jaulkipen data: 27 apirila 2006
Erremedioetako Andre Mariaren Koroapenaren mendeurrena bete denez, oroitzapenezko seilu bat atera da Fregenal de la Sierrako (Badajoz) zaindari den Extremadurako Ama Birjina hain gurtu honen irudiarekin. Erremedioetako Andre Mariaren irudia tailu osoa da, ezaugarri gotikoak ditu eta oinez doan itxura du, zangoetako bat aurreratuta baitu. Fina eta dotorea da benetan. Atorra urdina eta gona berde loreduna daramatza soinean. Besoetako batean, Haurtxo Jesus bat du, nahiz eta ez den jatorrizko irudikoa. Haurra Luquitas izenez ezagutzen da, zeren, tradizioak dioenez, izen horretako toreadore batek eskaini zion Ama Birjinari esker ona adierazteko. Garai batetik aurrera, irudia janzten hasi ziren eta, gaur egun, oso jantzi baliotsuak ditu; horien artean, urrez, harribitxiz eta marfilez bordatutako lau gainjantzi handi eta oihal bikainez egindako hainbat gainjantzi txiki. Irudiak urrez eta harribitxiz egindako bi koroa ere baditu, herri-harpidetzaz erosiak eta Ama Birjinaren eta Haurraren irudiak kanonikoki koroatzeko erabiliak 1906an. Ama Birjinaren irudia Erremedioetako Andre Mariaren Santutegian dago, Fregenal de la Sierra herritik kilometro gutxi batzuetara. Eraikinak, kanpoko aldetik, karea, adreilu gorria eta granitozko harriak konbinatzen ditu, eta 1619an hasi zen egiten. Bukatu, berriz, 1785ean bukatu zen, hainbat handitze eta erreforma lan egin ondoren. Barruan Ama Birjinaren gelatxoa dago. Gurutze grekozko oinplanoa du, landare-motibodun iztukuzko hormekin eta marmolezko fuste leuneko zutabeekin. Hormetan hamabi hobi daude, Ama Birjinaren bizitzako une desberdinak irudikatzen dituztenak. Apaingarriak eta polikromatuak ere oparoak dira, eta dena dago linterna argitsu baten azpian kokatuta. Irudia ezarrita dagoen tronuak bi zati ditu: Andre Mariaren idulkiaren euskarri den beheko oinarria eta gakotutako lau zutabe, irudiaren gainean koroa handi bati eusten dioten aingeruekin. Multzoa urre-kolorekoa da, eta egurrez egina. Barruan egindako inskripzio batek dioenez, lana José Escribanok eta José Domínguezek egin zuten 1860an, eta 1884an urreztatu zen. Fregenal de la Sierra Badajozeko probintziako hegoaldean dago eta Extremadurako Juntak Kultur Intereseko Historia eta Arte Multzo izendatu zuen 1991n. Zaindariaren eguna lehenengo pazko-igandearen hurrengo astelehenean ospatzen du.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.