Jaulkipen data: 04 urria 2006
Bi taloitegi berri jaulkitzen dira, ehun bana seilu autoitsaskor ingurukoak, Flora eta Fauna sail honetakoak, oraingoan pazko-loreari eta enarari eskainiak. Bi seiluok, 0,29 eurokoak, landare ezagunaren eta hegaztiaren irudia irudikatzen dute.
Pazko-lorea edo Euphorbia pulcherrima, poinsetia eta gabonetako izarra izenez ere ezagutua, jatorriz Mexikokoa den landare bat da. XIX. mendearen amaieran Europan sartu zuten. Esne-belarren familiako zuhaixka erorkor bat da. Triangelu-formako orriak ditu, kolore berde ilunekoak, koskatuak eta belus-antzekoak. Orri horien kolorazioa –brakteak ere deitzen zaie orri horiei (orri aldatuak)–, bi edo hiru hilabetetan gertatzen da, barietatearen arabera, eta edertasun handikoak dira. Gorriak, arrosak, izokin-kolorekoak, horiak, boli-kolorekoak, zuriak, etab. daude, eta gorria da kolore nagusia. Pazko-lorea barnealdeko landare gisa erabiltzen da, eta egoera naturalean hiru metro luze izatera iristen da, nahiz eta landare-ontzian ez den 80 edo 90 cm-tik pasatzen.Loraldia Eguberrian izaten da. Loreak zurtoinaren muturrean ateratzen dira; txikiak dira, eta horiak. Europako herrialderik gehienetan, eguberrietako ikur gisa nagusitu da.
Enara arrunta edo Hirundo rustica migrazio-hegaztirik ezagunetako bat da. Moko laburrekoa, buru, bizkar, hegal eta isatsaren kolorea beltz urdinxka distiratsukoa da; kopeta eta lepoarena, berriz, gorrixka da, eta bularra eta sabela zuri horixkak ditu. Hegalak estu, sendo eta luzeak ditu, gorputzaren aldean; horrek gai egiten ditu, hegaldi lur-arraseko, bizkor eta ibilbide luzekoetarako. Hegal urkilatuak erraztasun handiz maniobratzea ahalbidetzen dio. 19. luze neurtzera iristen da. Airean atzematen dituen intsektuez elikatzen da. Kantua atsegin, ahul eta txiokaria da. Habiak irekiak egiten ditu, lohia, listua eta belar siku edo lastoak erabiliz. Ukuilu, garaje, baserri eta nabeen sabai, habe eta hormei itsatsita eraikitzen dituzte. Toki horietan, bikote bat baino gehiago bizi ohi dira harmonian. Orientazioaren aparteko zentzumena daukate; izan ere, habia kokaturik zegoen tokia gogoratzen dute aurreko urtetik, halako moldez non, negua igarotzen delarik, apirileko lehen zatian, ar bakartiak beren habiara itzultzen diren, eta handik gutxira, aurreko urteko eme berarekin biltzen dira. Emeak arrautzak inkubatzen ditu, txitei hegan egiten erakusten die, arra janari bila irteten den bitartean. Enarak ipar-hemisferioan txitatzen du; negua, berriz, hego-hemisferioan igarotzen du.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.