Jaulkipen data: 02 urtarrila 2006
Correosek jostailu zaharren irudiak dituzten zortzi seilu autoitsaskorren txartelak jarri ditu zirkulazioan, eta zalantzarik gabe, haurtzaroaren unerik pozgarrienetakoak ekarriko dizkiete gogora adinekoei; izan ere, euren jolasetan erabilitako tresnen ikonografia zehatzak bezala hartuko dituzte. Haurrei helduek erabilitako jostailuak ezagutzeko balioko zaizkie. Pieza horiek gutariko askoren haurtzaroa alaitu zuten, eta gaur egun ikusita, ziurrenik batek baino gehiagok bere haurtzaroan pentsatuko du. Txartel honetan agertzen diren jostailuak museoetako pieza handiak bihurtu dira beren edertasun eta kalitatearengatik. Izan ere, ikus daitezkeen erakunde ugarien museo-funtsak gehitzen dituzte. Hala, seilu batean agertzen diren txotxongiloak Sevilla la Nuevako "Ismael Bilduma"ko Txotxongiloen Antzokian daude. Guztira, 400 txotxongilo baino gehiago dago.
Herrialde ezberdinetakoak dira eta teknika eta material ezberdinak erabili dira egiteko. Gainera seiluek honako irudiak dituzte: Figueresen kokatua dagoen Museu del Joguet de Catalunyako zibak; erakunde hori 1982an inauguratu zuten, eta 4.000 pieza inguru erakusten ditu: mekanoak, teatrinak, sukaldeak, zibak, hegazkinak, autoak, trenak, panpinak eta itsuentzako jokoak; auto bat, Museu de la Joguinakoa, Tomàs Pla de Sant Feliu de Guíxols bildumakoa, 2000. urtean inauguratu ondoren 3.500 piezako funtsa duena, latorri zurezkoak eta plastikozkoak, 1875etik 1975era bitartekoak; Museu dels Joguets de Déniako kamioia bat; erakunde honek Denian XX. mende hasieratik 60ko hamarkadara egon den jostailuen ekoizpen zabala erakusten du; Mariquita Pérez, Vigoko Raquel Chaves Fundaziokoa, panpina honek izena ematen dio bere markari, eta Espainiako gerraostean hasi zen ekoizten 70eko hamarkadaren erdialdera arte. Garai hartan panpinarik gustukoena izan zen, eta gaur egun museoko pieza baliotsua bihurtu da; Mohedas de la Jarako Museo Castellano-Manchego del Juguete museoko puxtarri-kaxa bat. Museoa 2000. urtean ireki zuten, eta 6.000 pieza baino gehiagoko funtsa du, mota eta garai ezberdinetakoak; Museu de la Jugueta de Sa Poblako zalditxoa eta kalesa bat aukeratu dituzte XIX eta XX. mendeko 4.000 industria- eta artisau-piezen bildumen artean; azkenik, Fundació Museu Valencia del Joguet d´Ibiko motorra. 1999ean sortu zuten, eta Payá familien lagatako funtsen latorrizko 444 jostailuen artean dago.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.