Jaulkipen data: 05 urtarrila 2006
Posta-beharrei erantzuteko Oinarrizko saila izenekoaren seilu bat igorri da, Juan Carlos I. Erregearen gaur egungo irudiarekin.
Joan den azaroaren 22an Juan Carlos I.aren erregealdiaren 30. urteurrena ospatu zen, 1975eko azaroaren 22an Espainiako errege izendatu baitzuten. Erregeak, egun hartan, diktaduraren aldi luzea amaitutzat eman eta gero, bere lehen hitzaldian, hizkera irmoarekin, ausart, eta ziur, honakoa adierazi zien espainolei:<< Gaur garai berri bat hasten da Espainiako historian (...) guztion artean egindako esfortzuari eta borondate kolektibo ausartari esker >> Eta, gaineratu zuen: << Zuzentzen dudan erakundeak espainol guztiak hartzen ditu barne, eta gaur, ordu garrantzitsu honetan, deitzen dizuet guztiok baitugu Espainiaren alde lan egitearen asmo bera. Denek uler dezaten, zintzotasunez eta maila onaz, gure etorkizuna elkartasun nazionaleko adostasun eraginkor batean oinarrituko dela >>. Erregeak une historiko horretan aldarrikatutako kontzeptuek (integrazioa, adostasuna eta elkartasuna) itxaropenaren bidea ireki zuten. Trantsizio garai luze eta emankor baten ondoren demokrazia finkatu zen. Juan Carlos I.ak laguntza handia eta erabakigarria eman du demokrazia ezartzeko. Bere lanaren esker ona gure herrialdetik kanpo ere antzeman da. Errege izendatu zutenetik behin eta berriz errepikatu du Zuzenbidezko Estatu demokratikoari emandako zerbitzuan, eta Konstituzioan emandako askatasunekiko konpromisoan duela zentzu historikorik handiena instituzio monarkikoak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.