Jaulkipen data: 10 iraila 2007
Urtez urte hari eskainitako seiluen igorpen-kopurua areagotzen ari den Gazteluak serieak bi balio filateliko berri ditu orain. Irudi txiki horiei esker eta haiek mundu osoko etxeetan sartzeko duten erraztasunari esker, gure gaztelu asko mundu osoan dira ezagunak. Orain aterako dugun igorpena, eraikuntzen argazkien bitartez, Almenar Gazteluarena, Soriako probintzian eta Villenakoa, Alacanten dira.
Almenarreko gaztelu-jauregia Sorian hobeen kontserbaturik daudenetariko bat da. Planta karratuko bi barruti ditu, angeluetan dorre biribil bana dituenak eta arku bikoitzeko sarrerako zubia duen zuloa du inguruan. Barruan, patioa du eta jauregiko egoitzak dituzten eraikinak ditu. Jatorri arabiarra duen gotorleku horrek XV. mendean eraldaketa sakona eduki zuen. Larako zazpi infanteen kantan aipatzen da gaztelua. 1430ean, Gaztelako Juan II-ak Hernán Bravo de Lagunasi eman zion Almerreko Jaurerria. 1677an, Carlos II erregeak, Zaragozara itzultzean, gaua hantxe pasatu zuen. Maria Luisa, Saboyakoak ere, Felipe V-aren lehenengo emaztea egon zen han 1706an, Frantziatik Madrilerako bidean. XVIII. mendean gaztelua abandonatu zuten. Urte batzuk beranduago, kuartel bihurtu eta hantxe jaio zen 1894an Leonor Izquierdo, Antonio Machadoren emaztea.
Villenako leku nabarmenean dago hango gaztelu-talaia, San Cristobal menditik menderatzen duelarik herria eta ingurukoa. Kuboz zuinkatutako harresi batek inguratzen du eta barrutiak planta poligonala du, angeluetan hiru dorre kubiko dituelarik. Jatorri musulmana du honek ere, aurrekoak bezala. Gotorleku hau XV. mendean eraldatu zuten eta Omenaldiko dorre ikaragarria duen gaztelu-jauregia bilakatu zen. 1239an konkistatu zuen Cardonako bizkondeak Calatravako Ordenaren zaldunen laguntzarekin. Jaime I-ak haiei eman zien zaintzeko ardura eta Gaztelako Fernando III eskutara pasa zen Almuzrako Tratatuak adierazten zuena beteaz. Germanien iraultzetan entrenamendu-lekua izan zen. Independentziaren gerran kalte handiak jasan zituen. 1931an, Monumentu Nazional bihurtu zen eta berrizu zuten.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.