HOMENAJE AL MAESTRO

Irakasle, hezitzailea edo pedagogo, heziketaren eta irakaskuntza-teknikaren inguruko hitzak dira baina agian ez dira maisu hitza bezain zehatzak zientzia, lanbide edo arteren bat irakasten duen pertsona izendatzeko eta antzina, hori erabiltzen zen lehenengo hezkuntza irakasten zuena izendatzeko. Eta hari, maisuari, eskaini dio filateliak honako seilu itsaskorra, haren omenez eta gizartearentzat oso garrantzitsua den haren lanaren esker onean.

Haurtzaroko oroimenen artean beti dago lehenengo letrak eta gelan nola portatu irakatsi ziguten maisu edo maistra. Ikasle gaztearentzat, kulturaren eta ezagutzaren ordezkari gorenak dira, familia eta eskolaren arteko lotura direlarik. Komunitateak oso maite eta errespetatzen dituen maisuak, ezaguerak eta esperientziak transmititzeaz gain, errespetua, tolerantzia eta erantzukizuna bezalako hezkuntza-balioak irakasten dizkie ikasleei. Horrek guztiak egiten du ogibide hori hain handia izatea eta gizakion nortasunaren garapenean hain garrantzitsua den heziketa-lana. Igorpen honekin, filateliak maisuari egiten dio omenaldia, haren pedagogi lanaren eta familia eta ikastetxearen arteko koordinazioa eskertzeko. Era berean, iritzi publikoari gogorarazi nahi dio hezitzaileen lanaren garrantzia, haien irudia eta betekizun soziala goraipatuz. Gizarte garatu eta bidezkoek haurtzarotik hasita pertsona guztien bizitzetan eragina duen lanbidea errespetatu eta babestu behar dute. Seiluan irakaslea eta haren ikasleak irudikatu dira koloretan. Igorpen postaletara itsatsi eta etxe guztietara iritsiko da seilua, gizartean hezkuntzaren eta gizartearen kulturan aurre egitearen bultzatzaileak diren maisu eta maistren irudia gogorarazteko.