Jaulkipen data: 31 urria 2007
Gabonei eskainitako igorpenetan gabon jaien ikur diren gaiak eta artista garrantzitsuen lanetan irudikatutako gai piktoriko klasikoak aurki ditzakegu.
Joan Ferràndiz i Castells ilustratzaile, margolari eta idazleak (Bartzelona, 1917-1997), Bartzelonako Arte Ederren Eskolan ikasi zuen. Nazioartean da ezaguna gabonetako gaien ilustratzaile bezala. Hainbat ipuin, marrazki bizidun eta haurren liburu ere ilustratu ditu. Bere ilustrazio ederrak betirako gelditu dira hainbat ipuinetan eta “trokelatutako” liburuetan, eta haien izenburuek jostailuak zituzten. Horren adibide dira: Mariuca gaztaina-sailtzailea, Sagutxo pertxenta eta Xirula magikoa. Baina gehienbat haren sormena gabonetako zorion-txarteletan gauzatu da. 50ko eta 60ko hamarkadetan herrialde honetan zebiltzan zorion-txartel gehienak hark eginak ziren. Alde horretan, bere sormenaren ezaugarri haren lanetan azaltzen diren xehetasunen kopurua da. Ferràndizen lana ilustratzen duen seiluak gabon-txartel bat adierazten du, non Gabonak adierazten duten hainbat elementu dituzten pertsonaiak agertzen diren eta aire bidezko postarako erabiliko den gutunazaletik irteten dauden.
Damián Formenteren berpizkundeko eskultura (Valentzia, 1480, Ozkabarte, 1540), seiluak irudikatu duen oholtzaren zatian ikus daiteke. Forment eskultoreak bere aitaren tailerrean ikasi zuen bere lanbidea. XVI. mendean oholtza ugari egin zituen. Aragoin haren hainbat lan daude. Erregeen gurtza erliebea, alabastroz egina eta Huescako katedralean dagoena, Aragoiko katedraletan eta tenpluetan egindako hainbat eskultura-lanen ondorioa da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.