Jaulkipen data: 13 urtarrila 2007
Espainiako Konstituzioak Estatuaren politika-modutzat Monarkia parlamentarioa ezartzen du, bertan, Erregeak erabakitzen eta moderatzen duelarik erakundeen funtzionamendua. Gorteei adierazitako mezuan, Juan Carlos Erregeak argi adierazi zuen Konstituzioa aintzat hartzeko eta haren zerbitzura lan egiteko asmoa. Berez, Monarkaren ekintzak salbatu zituen Konstituzioa eta demokrazia 1981ko otsailaren 23ko gaueko gertaera tristeetan, Konstituzioaren gainerako botere guztiak Parlamentuan bahiturik zeudenean, estatu-kolpearen saiakeran.
Ordutik aurrera, Juan Carlos Erregeak Konstituzioa aintzat hartzen zuela eta haren alde lan egiten zuela erakutsi zuen, bere erregetzaren inguruko beste zenbait ideiarekin batera: demokrazia berrezartzearena eta espainiar guztien errege izatearena. Monarkak berak Gorteetan nazioaren aurrean egindako lehenengo hitzaldian jada adierazi zituen kontzeptu horiek, 1975eko azaroaren 22an Errege izendatua izan eta gero. Trantsizioko denboraldi luze eta emankor baten ondoren, demokrazia egonkortu zen. Beraz, badira hiru hamarkada baino gehiago hura aldarrikatu zenetik. Juan Carlos I-ak demokrazia berrezartzean izan duen parte hartzea aparta eta erabakigarria izan da. Erregeak, haren lanari esker, nazio artean aintzat hartzen dute.
On Juan Carlos, izendatu zuten urtetik hona, etengabe adierazi du Zuzenbidezko Estatu demokratikoaren alde eta Konstituzioan lortutako askatasunekin daukan konpromisoen alde lan egitean datzala erakunde monarkikoaren zentzu historikoa, gaur egunekoa eta etorkizunekoa. Gaur egungo Espainian, 30 urtez baino gehiagoz Monarkia parlamentarioak eta konstituzionalak gobernatu eta gero, horrela jarraituz gero, Koroaren etorkizuna ziurtatuta dago. Oinarrizko seriea deritzon Igorpen honetako seiluek Erregearen argazkia daramate.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.