Jaulkipen data: 19 martxoa 2008
Europar Batasuna (EB) seilu berri baten igorpenaren protagonista dugu berriro ere, Europako Parlamelamentuaren 50. Urteurrena dela-eta.
1958. urtean, EBren sorrera ahalbidetu zuen Erromako Ituna sinatu eta urtebete geroago, Europako Parlamentua osatu zen, Robert Schuman europeista sutsua buru. 50 urte hauetan, egiturak eta eskumenak areagotzen joan da instituzio parlamentarioa, zuzeneko sufragioz hautatutako nazio anitzeko batzar parlamentario bakarra ezarri dela. Gaur egun, Batasuna osatzen duten 27 herrialdeetako herritarrek aukeratutako 785 diputatu (europarlamentario) ditu Europako Parlamentuak. Hauteskundeak bost urterik behin izaten dira. Europako Parlamentuak edo Eurokamarak ideologia orotako antzeko talde politikoen bidez antolatzen ditu bere egitekoak: zentro eskuina, sozialistak, liberalak, nazionalistak, komunistak, berdeak eta euroeszeptikoak, haien herritartasuna edozein delarik ere. Europar Batasuneko Kontseiluarekin batera, Europako legeak eta EBko urteko aurrekontua onartzeaz arduratzen da. Era berean, Batasunaren gainerako instituzioen kontrol demokratikoa dauka eta estatu berriak atxikitzeko egiten diren nazioarteko akordioak onartzen ditu, bai eta EBren eta beste herrialde batzuen arteko merkataritza-harremanak ezartzeko ere. Parlamentuak Estrasburgon (Frantzian) egiten ditu Osoko Bilkurak, baina prestatze batzarrak eta batzar osagarriak Bruselasen (Belgikan) izaten dira. Batasunaren 23 hizkuntzekin egiten du lan, eta batzorde parlamentarioetan Europako herritarren interes komuna diren gaiez arduratzen da, hala nola, ingurumenaren babesaz, kontsumitzaileen eskubideez, garraioez eta langile, kapital, ondasun eta zerbitzuen zirkulazio askeaz, betiere, kultura aniztasuna, demokrazia, askatasuna eta gizarte justizia errespetatuz. EBren goiburua: Batasuna aniztasuna aurrean. Goiburu horrek laburbiltzen du bere filosofia. Seiluan Parlamentuaren berrogeita hamargarren urteurrenaren logotipoa erreproduzitzen da, bai eta EBko bandera enblematikoa ere: urre koloreko hamabi izarrak, hondo urdinaren gainean.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.