Jaulkipen data: 08 uztaila 2008
XXIX. Joko Olinpikoak, aurten Txinako Beijing hirian egingo dituztenak, dira zirkulazioan jarri duten seiluaren gai nagusia. Haren bidez, kirol arloko balioak, olinpismoa eta ADOk (Kirol Olinpikoen Elkartea) goi mailako lehiaketa garatzeko eta sustatzeko eskaini ohi duen laguntza nabarmendu nahi dute.
Datu ofizialen arabera, 28 diziplina olinpikok, 16.000 kirolarik eta 203 herrialdek baieztatu du abuztuan egingo dituzten Beijingeko Olinpiadetan hartuko duela parte. Joko horien egoitza nagusiaz gain (bertan dago estadio olinpikoa, Pekineko "habi-estadioa" deitu ohi zaiona kanpoaldea osatzen duten eta elkarri lotuta dauden sareen egitura dela-eta, eta baita uretako zentro nazionala ere, igeriketako probak egingo dituztena), beste sei herrialde ere azpiegoitza bihurtuko dira zaldiketako, belako eta futboleko txapelketak egiteko: Hong-Kong, Shanghai, Qingdao, Tianjin, Qinhuangdao eta Shenyand. Espainiako kirola atletarik onenek ordezkatuko dute diziplina ugarietan. ADOk (Kirol Olinpikoen Elkartea) bere laguntza eskaini die atleta guztiei. Kirol erakunde hau, irabazi asmorik ez duena, 1988. urtean sortu zuten eliteko kirolariei emaitzak hobetzen laguntzeko beharrezko baliabide teknikoak eta ekonomikoak eskuragarri jartzeko asmoz. Elkartea sortu eta berehala iritsi zen erantzuna eta Bartzelona’92ko Joko Olinpikoetan, Espainiako atletek, lehen aldiz, 22 domina olinpiko eskuratu zituzten. ADO hiru erakunderen elkarteak osatzen du: Kirolen Kontseilu Gorena (CSD), Espainiako Batzorde Olinpikoa (COE) eta Radiotelevisión Española (RTVE). Guztira, prestigio handiko 14 enpresaren finantza arloko laguntza jaso ohi du eta haiek eskaini ohi dituzte kirol programak betetzeko beharrezkoak diren baliabide teknikoak eta ekonomikoak. Seiluan jauzi egiten ari den atletaren irudia eta legenda hau agertzen dira: Beijing 2008. Eskuinean, aldiz, ADOren akronimoa, uztai olinpiko enblematikoak eta Espainiako banderaren koloreak agertzen dira.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.