Jaulkipen data: 10 otsaila 2009
Arkeologia segidan mosaiko bana irudikatzen dituzten bi zigilu bildu dira; bata, Meridako Casa del Mitreo delakoarena, eta, bestea, Toledoko Carranqueko Parke Arkeologikoarena. Casa del Mitreo-ren zigiluan Oriens-en aurpegia irudikatu da, Eguzkiaren errepresentazioa. Carranquekoan, Oceanus-en aurpegia irudikatu da, ordea, Ozeanoaren irudikapena.
Meridako Casa del Mitreoan, K.o. I edo II. mendeko eraikina, gela batean, mosaiko kosmologiko bat ikus dezakegu, erromatarren onenetariko bat ziurrenik. Mosaiko horrek Munduaren eta hura zuzentzen duten natur indarren zein giza jardueraren baten ikuspegi filosofikoa adierazten du. Zerua, lurra eta itsasoa adierazten duten hiru zatiz dago osatua. Goiko aldean, zirkulu erdiak itxia, Saeculum, Caelum, Chaos, Polum, Tronitum, Ocassus eta Oriens ditugu. Azkenaren irudia da zigiluak adierazten duena. Oriens mosaikoan azaltzen den zaldi zurien koadriga daukan Eguzkia da. Urrezko teselez osaturiko izpiak dituen koroa buruan duen gaztea da.
Carranque-ko Erromatarren Aztarnategian (Toledo), 1983an aurkitu zuten gaur egun Materno villa esaten zaiona. K.o. IV. mendearen bukaerako etxea da eta, haren aztarnen artean ongi gorde diren eta kalitate handikoak diren hainbat mosaiko aurkitu ziren. Villaren korridore nagusian Oceanus edo Ozeanoari eskainitako mosaiko ikaragarria dago. Haren aurpegia da, hain zuzen ere, zigiluan datorrena, Oceanus bizarduna. Mosaikoak inguruan hainbat itsas espezie ere ditu.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.