EXFILNA 2009. IRÚN

Irungo euskal hiria, Gipuzkoako bigarren hiria Donostiaren ondoren, urriaren 6tik 12ra izango da Nazioko Erakusketa Filatelikoaren (EXFILNA 2009) egoitza, Costa Vasca Azoka Barrutian (FICOBA) egongo dena. Gertakizun hori Espainiako filatelian garrantzitsuenetariko bat da eta Pirinioetako Bake Hitzarmenaren 350 urtemugarekin egiten du bat, Faisaien uhartean edo Konferentziaren uhartean, gertatu zena, Bidasoa ibaian.

Faisaien uhartea Hendaiaren eta Irunen artean dago. Bidasoa ibaiaren erdian dagoenez, eta Frantzia eta Espainia arteko mugan, lurralde txiki eta enblematiko hori bi herrialdeetako printzesak hartu eta emateko leku neutralik gogokoena zen. Emaztegaiak eman eta trukatzeko ekintzak burutu ziren, monarkien arteko hitzarmenek zehaztutakoak, XVI. mendetik XVIII. mendera arte. Espainiak honako printzesak eman zituen han: Borbondar isabel Frantziako Felipe IV-ari, 1615eko azaroak 9an; Orleánseko Mª Luisa Frantziako Carlos II-ari, 1679ko azaroak 3an; eta Orleánseko Luisa Isabel Luis I-ari, 1722ko urtarrilaren 9an. Baina garrantzi handiko hitzaldi politikoak ere gertatu ziren lur eremu horretan, 1565ean izandakoak, edo 1659ko Pirinioetako Bake hitzarmenerako hitzaldiak, esaterako. EXFILNAren XLVII edizio hori oroitzeko igorri den bloke orriak Hondarribiko Udal Artxibategian dagoen grabatu bat irudikatzen du. Lanaren izenburua Lisle de la Conference … da, eta akordio historikoa gertatu zen urte berean, 1659ko azaroan, grabatu zuen Adam Perelle frantziar grabatzaileak. Bloke orria eta zigilua biltzen duen panoramikan Bidasoa ibaiaren erdian aldi baterako eraiki zen ospakizunetarako etxea ikus daiteke, non Frantziako eta Espainiako Koroetako kideak biltzen ziren kapitulazioak sinatzeko eta Pirinioetako Pakea negoziatzeko.