Jaulkipen data: 09 martxoa 2009
Natura segidako zigiluak Soriako Cañón del Río Lobos-eko Parke Naturalari eta Arabako Izkiko Parke Naturalari daude eskainita. Bien panoramikak biltzen dituzte zigiluek.
Cañón del Río Loboseko Parke Naturalaren lurraldea Soria eta Burgoseko probintzien artean zatitzen da. Parajeak 9.580 ha. ditu eta ibaiak bistan utzi dituen horma izugarri eta biluziak dituen kareharri mesozoikoetan higatutako ebaki sakon baten gainean oinarritutako espazio biogeografiko bakuna da. Hango landareen artean, aipagarrienak, intsentsu-milterra, otsapagoa, erkametza eta artea dira. Sastraken artean, ipurua, azeri-mahatsa eta elorri-triska ditugu. Faunari dagokionez, hainbat animalia espezie daude, are zehatzago, hegaztiak, arranoa, belatza, sai arrea, aztorea eta sai zuria dira nagusi. Ibaian igarabak eta amuarrainak ere badaude. 1985ean izendatu zuten Parke Natural eta 1987an Hegaztien Babes Bereziko Gune.
Izkiko Parke Naturala Arabako Mendien Kuadrilla delakoan dago, Arabaren ipar-ekialdean. 9.100 ha. Inguru ditu eta landareei dagokienez, mundu osoan hobeen zaindutako ametzak daude bertan. Garrantzian eta azaleran jarraitzen dute Kantauri azpiko pagadiek eta erkametzek. Ametz ilaundunak, astigarrak, gorostiak, urkiak eta arteak ere aurki ditzakegu. Animaliei dagokienez, okil ertainak eta arrano arrantzariak daude. Era berean, han dagoen ibaiari Izki izena sor dion lurralde honetan, basurdea eta orkatza ere ikus daitezke. Izkiko Parke Naturala eskualde atlantikoaren eta mediterraneoaren artean dago kokatuta eta 1998an lortu zuen izendapena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.