Jaulkipen data: 17 otsaila 2009
Klima aldaketaren aurkako borroka eta ingurumenaren alde Plantemos para el planeta (landa dezagun planetarentzat) kanpaina dira Nazio Batuen bi programa, gizarte osoak parte har dezan eskatzeko eta gure Planetari kaltea egiten dioten ingurumeneko arazoei aurre egiteko atera dituenak. Bi gai horiek eta Lan eta familia bizitzak bateratzearena dira Balio Zibikoak segidaren gaiak.
Wangari Maathai irakasleak sustaturik, Bakearen Nobel Saria dena, eta Ingurumenerako Nazio Batuen Programaren antolakuntzarekin (PNUMA), Landa dezagun planetarentzat kanpainaren helburua urtean, mundu osoan mila milioi zuhaitza landatzea da. Espainian, oso harrera ona izan du proposamenak eta urte betean 25 milioi zuhaitz landatu dira eta beste 100 milioi gehiago landatzeko konpromisoa hartu da. Kanpainan hainbat enpresa handik hartzen dute parte, horien artean Correos. Honek, kutxa zein biltzeko paper ekologikoaren bidez, haien salmenten zati bat “Bosques de la Tierra” fundazioari ematen dio.
Gizakiok aurrean dugun desafioetariko bat da klima aldaketaren aurka borrokatzea eta, Nazio Batuak, horren jakitun, guztion artean kontsumo-ohiturak alda dezagun eta atmosferara igortzen dugun CO2-a gutxitu dezagun eskatu du. Europar Batasuna ingurumenarekin konprometituta dagoen nazio arteko erakundeetako bat da eta, ondorioz, haren betebeharren artean sartu du negutegi-efektudun gasen kontrola, ondorengo helburuak lortzeko: gutxiago kutsatzen duen energia kontsumitzea; garraiobide garbiagoak erabiltzea; enpresei haien erabilera energetikoaren eta CO2 igorpenen erantzule egitea haien lehiakortasuna arriskuan jarri gabe; lurraldearen antolakuntza eta nekazaritza ingurumenaren menpe egotea eta ikerketarako zein berrikuntzarako inguru egokia lortzea.
Lan eta familia bizitzak bateratzea posible egitea, gizonezko eta emakumezko langileen arteko aldeen aurka eginez, biek familian dituzten betekizunak errazteko, da erronka nagusia. Legedi berriak onartu ditu ordutegiaren malgutasuna eta familia zaintzeko, amatasuneko zein aitatasuneko baimenak eta eszedentziak. Gurasoen aukeren berdintasuna eta seme-alabak jaiotzen direnetik zaintzeko partaidetza berbera errealitate bihurtzen ari da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.