Jaulkipen data: 12 ekaina 2010
1985eko ekainaren 12an Espainiako Gobernuak Madrileko Erregeren Jauregiko Zutabeen Aretoan Europako Erkidego Ekonomikoari (EEE) atxikitzeko akta sinatu zuen. Egun horretan bertan Portugalek ere erakunde europarrarekiko atxikimendua sinatu zuen.
1986ko urtarrilaren 1ean sartu ziren eskubide osoko kide gisa, eta harrez geroztik EEE hamabi kidek osatuta geratu zen: Alemania, Belgika, Frantzia, Holanda, Italia, Luxenburgo, Danimarka, Irlanda, Erresuma Batua, Grezia, Espainia eta Grezia. Hurrengo urteetan beste estatu batzuk sartuz joan ziren, gaur egun osatzen duten 27etara heldu arte. Espainia EEEra sartu eta gero oparotasun ekonomiko- eta herrialdeko azpiegituren garapen-aldi bat etorri zen.
Erakundearen hasierako helburuak ekonomian eta merkataritzan oinarritutako merkatu komuna hartu zuen oinarri; urteak joan ahala nazioen batasun bilakatuko zen, pertsona, salgai, ondasun eta zerbitzuen zirkulazio askeaz. 1993an EEEk izena aldatu zuen eta Europar Batasuna (EB) izendapena hartu eta XXI mendean, 500 milioi biztanle inguruko populazioarekin, gizarte-, nekazal-, berrikuntza teknologiko- eta ingurumenaren babesaren inguruko gaiei aplika dakiekeen elkartasun edo kohesio-politika garatzen du. Ikerkuntza eta garapena ere sustatzen ditu, beti bakearen eta askatasunaren premisapean.
EBaren lorpen ekonomikorik handienetako bat euroa txanpon bakar gisa hartzea izan zen. 2002 urtean egikaritu zen merkatuan eta gaur egun 16 estatuk dute komunean euroa
EBak zenbait erakunde komun dauzka, funtzio espezifikoak betetzen dituztenak; horien artean, nabarmengarrienak Europako Parlamentua, Europar Batasuneko Kontseilua, Europar Batzordea eta Batasuneko Justizia Epaitegia. EBko jarduera guztiak ere estatu kideek demokratikoki adostutako hitzarmenetatik eratortzen dira, gizartearen bilakaerari egokitzeko eraldatuz eta eguneratuz joan direnak. Erakundean sartu zenetik, Espainiak lau aldiz hartu du bere gain EBko Lehendakaritza: 1989ko lehen seihilekoa; 1995eko bigarren seihilekoa; 2002ko lehen seihilekoa eta 2010eko lehen seihilekoa. Hauxe txandakako kargua dugu, sei hilabetean behin herrialde kideen artean berritzen dena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.