Jaulkipen data: 24 otsaila 2010
Correos-ek saxofoi tenorrari buruzko zigilu honekin, Musika tresnak izeneko bilduma bati ekin egin dio. Aipatutako bilduma beste tresnetako irudiak adierazten dituen beste hiru igorpenekin osatzen da, besteak beste: tronpeta, tronpa eta bonbardinoa.
Saxofoi hitza Belgikako Antoine Joseph Sax (Adolphe Sax izenarekin ezaguna) musika tresnen asmatzaile eta fabrikatzailearengandik sortu zen. Horrek klarinetearen soinuan akatsak atzeman ondoren eta horiek gainditzeko tematuta, 1840. urte inguruan, tresna hau asmatu zuen, haize-egurrezko familiaren tresnen barruan. Sax-ek, saxofoia eraiki ondoren, metalezko tresna baten indarra eta egurrezko baten gaitasunak izatea lortu nahi zuen. Saxofoia (baita saxo izenekoa ere) letoiez egina dago. Musika tresna koniko honek ahoko bat du kana bakun batekin, klarinetearena bezalakoa. Sortzen duen soinua dela eta, haize-metalezkoen barruan ordez, haize-egurrezkoen barruan sailkatu zen, soinu-uhinak kana kulunkari baten bidez sortzen direlako eta nota desberdinak jotzeko giltzak ireki eta itxi behar direlako. Jules Massenet konpositore frantsesak tresna hau orkestrako musikan sartu zuen, bere operetako batzuetan. Saxoa ere, beste musika tresnak bezala, bilakatuz joan da denboraren poderioz eta aurreko XX. mendeko 20 eta 30. urteen artean nabarmen nagusitu zen jazz eta musika klasikoan.
Mihi bakuneko tresnen artean klarinetea, klarina, kanako gaita eta pordoiak aurkitzen dira, baita saxofoia ere. Azken hura, soinuaren arabera, sopranoa, altua, baritonoa eta tenorra izan daiteke. Saxofoi tenorra da, hain zuzen ere, zigilu honetan irudikatzen dena. XX. mendeko pieza hau, Malagako Musika Museo Interaktiboko musika tresnen bildumakoa da (MIMMA).
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.