Jaulkipen data: 14 urria 2010
Hirigintza seriearen barruan, Correosek zigilu bat eskaini dio Ildefonso Cerdá Errepideen ingeniariari, Bartzelonako hedagunea egin zuena. Zigiluak Bartzelonako Ateneuaren bildumako Cerdáren argazki bat irudikatu du, atzealdean Hedagunearen proiektua duela, zeinaren jatorrizkoa, mapa eta Bartzelona inguruetako planoa eta Zaharberritzeko eta Hedatzeko proiektua idatzia, 1859koa, San Fernandoko Arte Ederren Errege Akademiako funtsetan gordeta dagoen, Madrilen.
Bartzelonako hedagunearen helburu nagusia etxebizitza eskasiari eta bizitzeko zein osasunerako Bartzelonako hiriguneak edo alde zaharrak eskaintzen zituen baldintzei irteera bat aurkitzea zen. Cerdá ingeniariak, 1844an trena ezagutu ondoren, Frantziako hegoaldera bidaiatu eta mugikortasunak eta garraiobideek hiriak aldatuko zituztela ulertu zuen. Ondorioz, Bartzelonako hiria hedatzeko ideia bururatu zitzaion. 1855ean, Biurteko Progresistaren gobernuaren etapan, Bartzelonako harresiak botatzea erabaki zutenean, Bartzelona inguruko Plano Topografikoa egitea eskatu zioten eta berak lehen Hedagunearen aurreproiektua aurkeztu zuen. 1859 arte itxaron behar izan zuen 1860an onartu zen behin betikoa egin arte. Cerdál Bartzelonako hedagunea egiten jakin zuen, Llobregat eta Besós ibaien arteko itsasoranzko lautada inklinatuari karratuan zegoen hiri berri bat jarri zionean. Hiri irekia, berdintasunean oinarritua eta modernoa aurreikusi zuen, alakekin ibiltzea eta berdegune handiak edukitzea funtsezkoak zituena.
Ensanche edo L’Eixample Bartzelonako bigarren distrituan dago eta hiriaren erdialdea hartzen du, 7,46 km karratuko zona handia. Distritu horretan daude hainbat pasealeku: Gracia eta Sant Joan; baita Aragon, Balmes, Diagonal, Rambla de Cataluña eta Gran Via de les Corts Catalanes kaleak eta etorbideak eta Cataluña, Sagrada Familia, Francesc Macià eta Glories Catalanes enparantzak ere. Milà, Batlló eta Punxes etxeak ere daude bertan, Sagrada Familia tenpluaz gain.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.