Jaulkipen data: 11 otsaila 2010
Gizalegezko Balioak izenburupean, Birziklatzea eta Kontsumo arduratsua gaiak, hurrenez hurren, hartzen dituzten bi zigilu jarri dira zirkulazioan.
Azken hamarkadetan hainbeste hedatutako “erabili eta bota” esaldia “erabili eta birziklatu” esaldiarekin ordezka liteke, modu horretan hondakinak gutxitu eta erabilitako materialen berrerabilpena sustatuz. Birziklatzea erabilitako material bat berriro erabilia izateko modua emango duen prozesu bat burutzean datza.
Hondakinen pilaketa gizadia geroz eta gehiago kezkatzen duen arazoa da, horregatik Nazio Batuek Gobernuei, industriari eta norbanakoei eskatu die birziklatzea sustatu, produktu biodegradagarrien erabilera aktibatu eta hondakinen kudeaketa-sistemak garatu dezaten ingurugiroan eragiten duten kutsadura ekiditeko. Esparru indibidualean, birziklatzea ontziak gainerako zaborretatik bereiziz hasten da, kolore urdineko edukiontziak paper eta kartoirako; horia plastiko eta latetarako; berde argia beirarako; eta berde iluna aurreko taldean ezin sar daitezkeen hondakinetarako erabiliz, materia organikoa batez ere. Correos-ek, bestelako enpresa eta instituziok bezala, ingurugiroaren jasangarritasunean laguntzen du, material birziklagarriko bilgarriak salduz.
Zigilua ilustratzeko birziklatzearen nazioarteko ikurra erabili da, hasiera eta bukaerarik gabeko hiruki itxurako hiru geziez irudikatuta. Haren barnean paperezko zenbait kartazal ageri dira, etengabeko birziklatze-prozesuan.
Kontsumo-ohiturak aldatu, benetan beharrezkoa zaiguna erosi eta ingurugiroa gehien errespetatzen duten produktuak aukeratzea kontsumo arduratsua aipatzean planteatzen diren hausnarketetako zenbait dira. Egunetik egunera gehiago dira auzi honen inguruan altxatzen diren ahotsak eta elkarte ekologistak zein Nazio Batuak ere deia luzatu dute beharrezko kontsumoa eta gehiegizko kontsumoaren arteko bereizketa egiteko, herrialde industrializatuetan batez ere. Erantzukizunak, halaber, kontsumitzaileak eskaintzen zaizkion produktuen arteko hautua egitea dakar berekin, berme sozial, etiko, elkartasunezko eta ingurugiroaren babeseko berme jakin batzuk bete daitezen exijituz.
Zigiluan “jarri muga kontsumoari” leloa ere agertuko da eta diseinurako giltzarrapo batez itxitako kontzeptu abstraktuak erabili izan dira. Bi zigiluak ere Jesus Sanchez-en estudioan sortu dituzte.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.