CENTENARIO DE LA AVIACIÓN MILITAR ESPAÑOLA

Espainiako Abiazio Militarraren Mendeurrena ospatzeko, orri-bloke bat sortu dugu lau hegazkin-eredu eta helikoptero bat irudikatzen dituzten hiru zigilurekin, eta orrian Mendeurrena aipatzen duen logotipoa ageri da.

1911n, bi Henry Farman hegazkin eta Maurice Farman hegazkin bat iritsi ziren Cuatro Vientos-era, Alfredo Kindelán ingeniari-kapitainak erosita. Horrekin, Cuatro Vientos lehen aerodromo militarra bihurtu zen. Hilabete geroago, zur eta oihalezko eta 50 cv-ko motorreko hegazkin horiekin, pilotu militarrentzako lehen ikastaroa jarri zen abian. Han lortu zituzten beren tituluak Kindelán, Herrera eta Arrillaga kapitainek eta Barrón eta Ortiz Echagüe tenienteek. Horiekin, Espainiako Abiazio Militarraren historia eta ibilbidea hasi zen.

Aerospatiale SA-332 “Super Puma” helikopteroa 1982an sartu zen zerbitzuan eta harekin 24 orduko “SAR alerta” (Bilaketa eta salbamendua) mantentzen da urteko egun guztietan Balear Uharteetan, Kanariar Uharteetan eta Madrilen. Herat-en (Afganistan) airetiko osasun-ebakuazioetarako erabiltzeaz gainera, pertsonalitate-mugimendurako ere erabiltzen da. Bi turbina ditu, eta horietako bakoitzak 1.850 CV garatzen ditu, eta 200 itsas miliako ekite-erradioa du.

CASA-101 “Aviojet” hegazkina 1984tik dago zerbitzuan eta horrekin trebatu dira 1.200 pilotu militarretik gora. Espainian garatu eta fabrikatu zen. Motor bakarreko eta bi plazako hegazkin bat da, oinarrizko irakaskuntzara eta irakaskuntza aurreratura zuzentzen dena. Sei hegaldi-orduko autonomia du eta Águila Patruila Akrobatikoaren hegazkina eta Aireko Armadaren irudia da.

Lockheed C/KC-130 “Hércules”, 1973az geroztik zerbitzuan dagoena, garraio taktikorako hegazkinen artean ospetsuena da. Laguntza humanitarioko eragiketetan, ariketetan eta bakea mantentzeko erabiltzen da. Turbohelizedun lau T-56 motor ditu, eta paraxutistak garraiatzera eta hegaldian materialak jaurtitzera bideratuta dago; izan ere, sotoan 20 tona kargaraino garraiatu ditzake.

Eurofighter EF-2000 “Tifón” 2003an sartu zen zerbitzuan eta Aireko Armadaren hegazkin modernoena da. Bi motor ditu eta defentsarako eta erasorako diseinatuta dago. Hegazkin horren abiadura soinuarena baino bi aldiz handiagoa da. 150 km-tik gorako helmena duen radar bat du eta orotariko armamentua egokitu dakioke hegazkinari.