Jaulkipen data: 05 iraila 2011
Espainiako Zeramikaren igorpen hau Manisesko Zeramikari eskainita dago eta lau piezaz osatuta dago: ur-pitxer bat, txarro bat, plater bat eta botila modernista bat.
Manisesko zeramikaren historia aztertzen badugu, XIV. mendetik gaur egunera arte, eboluzio bat ikusiko dugu koloreetan, formetan eta estiloetan. Zeramika urdinezko piezak aurkituko ditugu, eragin musulmaneko inskripzio eta motiboekin. Musulmanen edo kristauen urre-islapenaren teknikarekin egindako zeramika ere aurkituko dugu, orobat XVI. eta XVII. mendeetako zeramika geometrikoa, lehoi eta txoriekin eta XVIII. mendeko zeramika, orotariko motiboekin eta hondo zuriekin. XIX. mendeko Manisesko zeramikan, pieza ohikoenak polikromatuak eta herrikoiak dira, hala nola konfiteetarako platertxoak, emaztegaiek ezkontza-egunean zeramatzaten apaingarriekin apaindutako baxera-piezak, idiliko zeritzenak, ura gordetzeko pitxerrak eta plater oktogonalak, konfiteetarako erabiltzen ziren beste pieza arrunt batzuen artean. Motiboak, modu lehenetsian, loredunak dira, nahiz eta txoriak, bestelako animaliak, giza figurak eta arkitekturak ere badauden. XIX. mendearen bukaeran, dekorazioak eguneroko bizitzako, ofizioetako eta abarreko eszenak ere agertzen zituen. XX. mendean, Manisesko zeramikan eragin handia izan zuen Modernismoak. Hori dela eta, gaur egun posible da joera artistiko hartako pieza garrantzitsu eta adierazgarriak aurkitzea.
XIX. mendeko ur-pitxerra tornuan eginda dago eta aplikazioak ditu erliebean. Lauza esmalteztatuz eginda dago eta polikromian dago apainduta, estalkiaren gainean. Arkitekturadun paisaiak, lore-sortatxoak eta Jesusen Bihotza irudikatzen ditu, José Sanchís jabearen inizialez gainera. Gazelen txarroa XIX. mendean egindako zeramika musulmaneko jatorrizko txarro baten kopia bat da. Lauza esmalteztatuz eginda dago eta urdinez eta metal-islez apainduta dago. Manisesko Francisco Valldecabresen lantegian egin zuten. Platera tornuan egin zuten, lauza esmalteztatuz, eta estalkia apainduta du. Irudiak Valentziako emaztegai baten jantzi tradizionalaren arreoa irudikatzen du. Pieza Manisesen egin zen XIX. mendearen bigarren herenean. Botila modernista partzialki esmalteztatutako maiolikazkoa da eta erliebean apainduta dago, estalkipean polikromia du. Emakume baten bustoa irudikatzen du, profilez, eta jotzen da 1910 inguruan egin zutela Manisesko La Rosa lantegian.
Lau zigiluen ikonografia osatzen duten lau piezak Maniseseko Zeramika Museoko bildumakoak dira.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.