Jaulkipen data: 01 urria 2011
Espainiako Filatelia Erakusketa (EXFILNA 2011) Espainiako filateliaren erakusketa garrantzitsuenetako bat da eta, ekitaldi horrekin, zigilu-bildumazaletasuna bultzatu eta sustatu nahi da. 49. edizio hau Valladoliden egingo da eta, hor, irailaren 30a eta urriaren 8a bitartean, Cúpula del Milenium pabilioian jasoko dira erakusketaren edukiak, Postaren eta FNMTren standez gainera. EXFILNAren edizio berri honetarako, ohikoa den moduan, bloke-orri bat igorri da. Horren motiboa, bai zigiluan eta bai orrian bertan, Valladoliden eta Milurtekoaren plazan instalatu den Cúpula del Milenium egoitzaren airetiko bista bat da.
Cúpula del Milenium kupula Figuerasko Enríc Ruiz Geli arkitektoaren eta bere taldearen proiektu bat da, hasiera batean Zaragozako 2008ko Erakustaldirako sortu zena eta han egon zena instalatuta. Zaragozako Erakustaldia itxi ondoren, Valladolideko Udalak 1.500 m2-ko pabilioi hori erosi egin zuen helburu kulturaletarako, erakusketetarako, helburu sozialetarako eta kiroletarako erabiltzeko. Pabilioi hori eraikin enigmatiko bat da. Alegia, zirkularra da eta gainazala eguzki-izpiak islatzen dituen eta, gauez, barruko argiteria agerian uzten duten EFTE gardenezko puzgarriz estalita du.
Kupula arkitekturara aplikatutako planteamendu organiko/teknologikoetatik diseinatu zen eta Valladoliden Pisuerga ibaiaren bi ertzak integratzeko helburua duen hiri-espazio handi batean instalatuta dago. Kupula edo pabilioi horretan egingo da EXFILNA 2011, Espainia mailako 49. edizio lehiakorra, zeina, oraingo honetan, Valladolideko Filatelia eta Numismatika Taldeak antolatu baitu.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.