Jaulkipen data: 20 urria 2011
Bloke-orri hau lau zigiluz osatuta dago. Horietan, Elio Berhanyer espainiar jostunaren zenbait lan irudikatzen dira eta Espainiar Moda 2011 seriearen zati dira.
Elio Berenguer Úbeda, modaren munduan Elio Berhanyer izenarekin ezagutzen dena, Kordoban jaio zen 1929an. 17 urte zituela, Madrilera joan zen bizitzera eta moda-diseinuan lan egiten hasi zen, modu autodidaktan. 1956an, jostun gisa lan egiten hasi zen eta, 1960an, goi mailako joskintzako lantegi bat ireki zuen. Bere izenak bizkor lortu zuen nazioarteko ospea eta, urte horretan bertan, Cadillac markak Estatu Batuetan ematen duen diseinugile onenaren saria jaso zuen. 1960 eta 1970 urteen artean, goi mailako joskintzako bildumak aurkeztu zituen munduko ibiltoki garrantzitsuenetan eta Ava Gardner aktoreak, Romanonesko kondesak, Sofia erreginak edo Pilar infantak haren modeloak jantzi dituzte inoiz.
Elio osagarrien, perfumeen eta betegarrien linea bat sortu zuen lehen diseinugileetako bat izan zen, 1969an. Estilo klasiko, dotore eta sofistikatuarekin, 1969az geroztik goi mailako joskintza eta prêt-à-porter konbinatzen hasi zen. Hala, azken linea horretako lehen bilduma 1973an sortu zuen. Garai hartan Iberiaren hegazkinetako laguntzaileen uniformeak egiteko lehiaketa irabazi zuen. 1982an, berriz, Munduko Futbol-txapelketako laguntzaileen jantziak diseinatu zituen eta, zenbait urte geroago, Madrilgo Erakustazokako (IFEMA) langileenak. Bere ibilbidean, modako sari garrantzitsuenak jaso ditu.
Zigiluetan honako hauek irudikatzen dira: festa-soineko luzea, rayon beltzezko tafetaz egina, kolore zuri biziekin, ohorezko hitz eskotearekin eta parpaila horizontalekin. Gerrialdean banda zabal bat du. 1970 urtea.
Txaketa-jantzia, kotoi zurizko soinekoz eta aurpegi bikoitzeko txaketa motzaz osatuta, marra horizontalak marrazten dituzten estanpatu berde eta urdin ilunarekin. 1970
Berokiz eta belaunerainoko soinekoz osatutako multzoa. Artile horizko aurpegi bikoitzeko berokia, kaxa-eskotearekin eta lepoalde biribilduarekin. Soinekoa artile zurizkoa da, gorputzean, eta horia, gonan. 1972
Kotoi zurizko festa-soineko luzea, gorputzean tanto beltz txikiagoko estanpatuarekin konbinatuta. Eskote biribildua, mahuka motza eta banda beltza gerrialdean. 1968 eta 1975 bitartean egina.
Jantzi horiek Madrilgo Jantzien Museoko funtsetako zati dira eta museoak irudiak eman ditu, irudikatu ditzagun.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.