Jaulkipen data: 19 iraila 2011
Espainiako kirolariek azken urteetan izandako kirol-arrakasta guztien artean, nabarmentzekoak dira Espainiako futbol-selekzioak 2008 eta 2010 urteetan lortutakoak, kirol horrek gizartean sortzen duen interesa dela eta.
Hori dela eta, bi bloke-orri igorriko dira, bakoitza bost zigiluz osatuta, Espainiako futbol taldearen mugarri nagusiak islatzeko, Espainiara futbola iritsi zenetik hasi eta 2010eko munduko txapelketara.
Futbola XIX. mendearen bukaeran eta XX. mendearen hasieran iritsi zen Espainiara, Ingalaterratik. Dena den, Espainiako taldeak 1920 urtean jokatu zuen lehen aldiz Bruselan, VII. Joko Olinpikoak zirela eta.
Harrez gero, 2010ean, ia 100 urte geroago, munduko txapelketa irabazi arte, Espainiako taldearen historiak gorabeherak izan ditu kirol-arrakastei dagokienez, orobat askotariko pasadizoak. Hori guztia jazoera nabarmenak ekarri zituzten zenbait golekin dago apainduta, hala nola Zarraren, Marcelinoren, Torresen eta Iniestaren golekin, orobat futbolaren egiazko sinbolo bilakatu diren futbolariekin: Pichichi, Zarra edo Ricardo Zamora.
Arrakasta handienen artean, 1964ko Europako Kopa, 1992 Joko Olinpikoak, 2008ko Europako Kopa eta 2010eko Munduko Txapelketa nabarmentzen dira.
Hamar zigiluetan arrakasta handienetako eszena garrantzitsuenak irudikatzen dira, orobat Espainiako futbolaren sinbolotzat jotzen diren selekzioko figurak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.