Jaulkipen data: 02 urtarrila 2012
La Macarena-ko arkua edo La Macarena-ko atea (Puerta edo Arco de La Macarena) izena ematen dion auzoan dago eta Esperanza Macarenaren basilikatik hurbil. Ate hori Sevillan sartzeko ateetako bat izan zen, hiria harresiz inguratua zegoeneko garaian. Arku bakarra du, zeramikazko apaingarriez edertua. Arkuan nabariak dira ornamentu klasizistak, ondorengo birmoldaketen emaitzak.
Alcaláko atea (puerta de Alcalá) eraikitzeko agindua eman zion Carlos III.ak Sabatini arkitekto italiarrari. Eraikuntzak monumentu-itxura du, eta estilo neoklasikokoa da. Bost arkuk osatzen dute monumentua; erdian dauden hiru arkuak erdi-puntukoak dira, eta alboko biak arku zuzenak. Madril hiriko ikono bihurtu da, eta Independencia plazan dago.
Burgoseko Santa Maria arkua (arco de Santa María) hirian sartzeko zortzi ateetako bat da, eta Carlos V.aren omenez eraiki zuten. Atelada monumentala dauka, Errenazimentuko estetikakoa. Zilindro-itxurako bi kuboren artean eta erdi-puntuko arkuaren gainean, erretaula bat osatuko balute bezala, hainbat estatua ikus daitezke, horma-hobietan sartuta. Estatuak hiriaren Erdi Aroko historiari lotuta daude.
Menditarren atea edo Menditarren dorreak (Puerta de Serranos edo Torres de Serranos) Valentzia hiriko harresietan zeuden hamabi ateetako bat izan zen. Pere Balaguer maisuari esker eraiki ziren, eta Balaguerek gotikoa izan zuen inspirazio-iturri. Lanari 1392an ekin zion, eta 1398an bukatu zuen.
Bartzelonako Garaipen-arkua (arco del Triunfo) sortu zuten 1888ko Erakusketa Unibertsalerako sarrera nagusia izan zedin. Vilaseca i Casanovas arkitektoaren artelana da, eta neomudejar estiloan eraiki zuen.
Badajozeko Palmas atea (puerta de Palmas) zirkulu-erako oinplanoa duten bi dorre almenadunen artean dago. XVI. mendekoa da, eta XIX. mendean errege-espetxea izan zen.
Toledoko Bisagrako atea (puerta de Bisagra) jatorriz musulmana da. Alonso de Covarrubias-ek berreraiki zuen XVI. mendean, Carlos V.aren eta Felipe II.aren erregealdietan, hortaz, errenazentista da. Bi zati nagusiz osatuta dago, eta arma-plaza batek bereizten ditu bi zati horiek.
Beràko arkua (arco de Bará) garaipen-arku erromatarra da, eta Via Augusta galtzadaren trazaduraren gainean dago. Erdi-puntuko arkua da, eta Augusto enperadorearen garaian eraiki zuten.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.