Jaulkipen data: 13 uztaila 2012
Gotiko flamigero estilokoa, Jainko Salbatzaileari (hiriko zaindaria) sagaratuta dago Oviedoko Katedrala, eta Sancta Ovetensis izenaz ezaguna da, Ganbera Santuan gordeta dituen erlikia ugariak direla-eta.
Tenplua XIV. mendean hasi zen eraikitzen, aurreko basilika erromanikoak eta prerromanikoak eraitsi ondoren. Eraikuntza-prozesuak XVIII. mendera arte iraun zuenez, eta eraikuntza-etapa guztiak begien bistan geratu ziren. Gurutze latinoko oinplanoa du, hainbat altueratako hiru naberekin, gurutzearekin eta girolarekin.
Katedralaren fatxada nagusiak dekoratutako elizate bat eta bi dorretxe ditu; ezkerreko dorretxea ez zen amaitu, eta elizaren nabeen altueraraino baino ez da iristen. Eskuineko dorretxea XVI. mendeko estilo gotiko errenazentistakoa da. Bost gorputzetan banatuta dago, 80 bat metrokoa da eta azkeneko solairuraino mailaka txikiagotzen diren hainbat pinakulu ditu angeluetan; azkeneko solairua estilo errenazentistakoa da, gainerakoak ez bezalakoa. Orratz mehe, zorrotz eta garden bat du muturrean.
Elizateak Katedralera sartzeko hiru ate ditu, eta erdikoa da handiena eta ornamentu gehien dituena. Horri dagokionez, sekula ipini ez ziren eskulturetarako zizelkaturiko hainbat idulkiz apainduta daude ate-zango guztiak, eta Antzaldatzearen erliebe batekin koroatuta dago. Horrez gain, intxaurrondo-egurrezko bi ate biki ere baditu elizateak, eta bi ate horiek Salbatzailearen eta Meridako Santa Eulaliaren figurekin, bestelako zenbait bustorekin eta medailoirekin apainduta daude.
Tenpluaren barrena gurutze-gangez estalita dago, eta hainbat kapera ditu inguruan: esate baterako, Santa Barbararena, Velardeko Kristorena, Covadongarena, Castro erregearena, zaintzaileena edota Santa Eulaliarena. Kapera Nagusian Erretaula dugu, Jesu Kristoren bizitzaren, pasioaren, heriotzaren eta Berpizkundearen hainbat pasarte jasotzen dituzten bost gorputz bertikalekin. Orokorrean, erretaularen egituran korronte gotikoa da nagusi, eta halako gisa dago katalogatuta, baina hala eta guztiz ere, korronte errenazentista ere ikus dezakegu. Espainiako erretaula gotiko hoberenetako bat da.
Bloke-orrian Katedralaren fronte nagusia irudikatzen da, elizatearekin eta dorretxe lirainarekin. Zigiluan erdiko atea ageri da, hainbat neurritako arkuekin, eta baita frontispizioa eta mainela ere.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.