Jaulkipen data: 04 apirila 2012
PostEurop-eko kideak diren Europako administrazioek eta posta-enpresek urtero Europa seriea jaulkitzen dute, gai komun bat aukeratuta. Aurtengo jaulkipena kultura eta turismoa sustatzeari eskaini diote, Bisitatu (Visite…) izenburupean. Helburua seriean parte hartzen duen herrialde bakoitzeko leku enblematikoen eta esanguratsuenak seiluen bitartez ezagutaraztea da, turismoaren promozioari irekitako leiho bat izango balitz bezala.
Hortaz, PostEuropeko berrogei posta operadore publikok baino gehiagok haien herrialdeen irudi adierazgarrienak jaulki dituzte kolore askotariko seiluetan.
Espainian hondartzak, klima, argia, arte-ondarea eta kulturaren aberastasuna berez dira erakargarriak; horregatik, sinboloz beteriko erakarpen turistiko horiek guztiak Visite España izeneko seiluan bildu dira. J. Carrerok diseinatu du irudia, eta Diego Velázquezen Las Meninas margolana hartu du inspirazio-iturri. Irudian turismoaren kontzeptuak batu ditu. Horrela, gure herrialdeko argia eta koloreak ikusgai daude obraren osotasunean: harea eta itsasoa. Kultura- eta historia-ondarea irudikatzen duen margolan batean islatu da artea. Espainia marka, merkataritzari, industriari, eskulangintzari eta ohiko produktuei lotuta, bandera nazionaleko kolorez marraztutako poltsa baten bitartez interpretatu da. Horrekin batera, seiluari Europa seriearen logotipo ofiziala ere gehitu zaio. Logotipoan Correoseko postontzi baten sinboloa dago, jaulkitzen diren balio guztietan erabili beharrekoa.
Europa seriearen seiluek filatelia sustatzea eta kontinenteko kultura, ohiturak eta historia zabaltzen laguntzea dute xede. Munduan seilu-serie horren bilduma asko egiten dira, eta bilduma ezagunenetariko bat da.
2002. urteaz geroztik, PostEurop nazioarteko erakundeak urtero antolatzen du lehiaketa bat internauten artean: lehiaketan herritar guztiek parte hartu eta urteko seilurik onena aukera dezakete. Seilu irabazlea zein izan den aditzera ematen dute PostEuropeko Filateliaren arloko Lan Taldearen urteko batzarrean.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.