Jaulkipen data: 09 urtarrila 2012
Filatelia-serie honetan gizarteko Gizatasun balioak sustatzen dira, herritarrek kontuan hartu behar dituzten arau edo printzipio gisa: Ez kutsatzea, Abiadura-muga errespetatzea eta Adi gidatzerakoan!
Kutsadura ingurumena elementu kaltegarrien bidez edo, maiz, giza jarduerak sortutako substantzia toxikoen bidez degradatzeagatik gertatzen da. Askotariko kutsadura motak daude eta zenbait ingurune motari eragin diezaiekete. Horrela, kutsadura atmosferikoa aipatzen da substantzia kimikoak atmosferara aireratzen direnean; kutsadura hidrikoa aipatzen da hondakin kutsagarriak ibaietara iristen direnean, lurpeko uretan sartzen direnean eta urmael eta itsasoetara iristen direnean; zoruaren kutsadura sortzen da produktu kimikoak lurraren gainean edo azpian isurtzen edo iragazten direnean; kutsadura erradioaktiboa instalazio nuklearretako eta material erradioaktiboetako akats eta ihesen ondorioz gertatzen da. Beste kutsadura mota batzuk kutsadura genetikoa, elektromagnetikoa eta zaborrak eragindakoa dira. Guztiek ere efektu kaltegarriak ditu ingurumenean eta gizartean.
Zigiluan airea, lurra eta ura ez kutsatzea aldarrikatzen da, zero berdeak irudikatuz, elementu puru gisa.
Abiadura errespetatzeak legeak ezartzen dituen mugen barruan gidatzea esan nahi du, bai muga maximoei eta bai minimoei dagokienez. Horiek Estatuko edo tokiko legegintza-organoek ezartzen dituzte. Zirkulazio Zuzendaritza Nagusiak aldian behin kanpainak egiten ditu, gidariak abiadura-arauak betetzeko beharraren inguruan kontzientziatzeko. Gai horri buruzko beste kanpaina batzuetan modu seguruan gidatzea eta abiadura-mugagailuak erabiltzea da, alegia, gidariari muga baimenduak ez gainditzen laguntzeko diseinatutako sistema bat.
Ez ezazu bizitza arriskuan jarri! leloarekin, zigiluak arauen aldeko aldarrikapena egiten du.
Zirkulazio-istripuen % 40 inguru gidatzean izandako distrakzioengatik gertatzen dira; hori dela eta, gidariek izan beharreko arreta nabarmentzen da. Sakelako telefonoa erabiltzea, nabigatzaileari kasu egitea, irratia jartzea, ibilgailuko beste pertsona batzuekin distraitzea, logura eta nekea dira kontzentratzea zailtzen duten zenbait arrazoi.
Zigiluan mezu bihotz-altxagarriak ageri dira, hala nola Adi gidatzean! Eta Gal ezazu deia, ez bizitza!
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.