Jaulkipen data: 04 maiatza 2013
Zigilua Puente de los Santos sobre la Ría de Ribadeo izeneko zubiari eskainita dago. Zubiak Castropol (Asturiasen) eta Ribadeo (Lugon) herriak lotzen ditu, eta ingeniaritza zibilik berrienaren arabera eginiko zubietako bat da.
1983. eta 1987. urte bitartean, Santuen zubia (Puente de los Santos, gaztelaniaz) eraiki zen Ribadeoko itsasadar luzearen gainean, Galiziako Autonomia Erkidegoa eta Asturiasko Printzerriko Autonomia Erkidegoa komunikatzeko asmoz. Izan ere, zubi horrek Asturias eta Galizia elkarrengandik aldentzen zituen tartea, Ribadeoko itsasadarrean, konpondu zuen. Horri esker, erribera bien arteko komunikazioak erraztu egin ziren..
Los Santos izeneko zubiak 600 metroko luzera dauka. Hasieran 12 metroko zabalera zuen, eta errepide arrunt bat igarotzen zuen zubitik. 2007. eta 2008. urte bitartean, zubia 24,60 metroko zabalera-neurriraino hedatu zen, Kantauriko autobia (A-8) handik igaro ahal izateko. Gaur egun, lau errei eta bi espaloi dauzka. Ateburudun itxurako zubia da, eta hormigoi armatuzko, altzairuzko eta egurrezko habeak ditu. 1.200 tona baino zama handiagoa jasaten du.
Zubiari Los Santos izena eman diote, itsasadarraren bi ertzetan dauden honako bi kapera hauek direla eta: San Román nas Figueiras kapera, Castropol herrian; eta San Miguel kapera, Ribadeon.
Zubia egin aurretik, itsasadarra itsasontziz zeharkatzen zen; edo itzulingurua eman beharra zegoen Vegadeo eta Porto herrien artean zihoan errepide zaharretik.
Jaulkipenak bloke-orri bat dauka, eta bertan itsasadarraren eta Ribadeo herriaren aireko bista erreproduzitu da. Horzdun zigiluan Los Santos zubi modernoaren irudia jaso da.
Yolanda Estefanía
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.