TURISMO 2013

Turismoa da Espainian diru-sarrera gehien ematen dituen sektoreetako bat, eta nazioarteko gutun arrunten frankeorako baliozko tarifako seilu itsaskorrek osatzen duten igorpen honen protagonista ere da orain.

1960ko hamarkadan izan zuen gorakada handia turismoak Espainian, gehienbat, azpiegituren hobekuntzaren eta erdiko klasearen erosahalmena areagotzearen ondorioz. Sektorea sustatzeko, 1962an, Turismoko Idazkariordetza sortu zen, eta handik gutxira Ikasketa Turistikoen Erakundea eta Turismoko Eskola Ofiziala, non sektorearen garapenean eragin handia izan duten profesionalek ikasi zuten.

1982an, Gobernuak turismoa atzerrian ezagutzera emateko irudi berria sortzea proposatu zuen eta Joan Mirók “Miróren eguzki” kartel ospetsua diseinatu zuen. Doan eman zion irudia Gobernuari, eta 1984az geroztik, Turismoko Idazkaritza Nagusiak bere katalogo, kartel eta argitalpen guztietan erabili du. Adituen ustetan, Espainiaren irudi turistikoa hobeen irudikatu duena izan da hau.

2010 hasieran, “I Need Spain” (Espainia behar dut) logotipo berria aurkeztu zuten, eta bertan ere “Miróren eguzkia” azaltzen da. Diseinu berri honekin, Espainiaren marka irudia berritu nahi izan da, batetik, herrialdearen turismo mota bereizten duen bizi-estiloarekin lotzeko eta, bestetik, sustatu nahi diren produktuen zorroarekin lotzeko.

Filateliak, sektore turistikoaren garrantziaz jakitun, “Turismoaren Europako Urtea”-ri eskaini zion seilu bat 1990an, Joan Miróren diseinu ospetsua ere biltzen zuena.

Egungo seiluak Espainiako Turismoko Erakundearen logotipo ofiziala du (Turespaña), “I Need Spain”, hain zuzen ere. Espainia atzerrian sustatzeaz arduratzen den erakundea da.