Jaulkipen data: 20 urtarrila 2014
PERTSONAIAK
Fray Junipero Serra, zeinaren jaiotzaren 300. urtemuga ospatzen den, eta Pedro Cieza de León, Indietako konkistatzaile eta kronista, izenak dira Pertsonaiak igorpen honen protagonista.
Fray Junipero Serra, Miquel Joseph izenarekin bataiatua, Petran jaio zen (Mallorca) 1713an, eta Monterreyen hil zen, Kalifornia, 1784an. Frantziskotarrekin ikasi zuen, erlijioso gisa sartu zen ordena hartan, eta izena aldatu zuen botoak eman zituenean. 1749an, Frantziskotarrekin bidali zuten Nueva Españara, egun Mexiko, eta misiolari gisa jardun zuen Sierra Gordan (Queretaro). Herrialdeko hainbat lekutan aritu zen apostolu-lanetan. Jesuitak Nueva Españatik bota zituztenean (1767), fray Junipero eta beste hainbat erlijioso Goi eta Behe Kaliforniara bidali zituzten San Franciscoko (AEB) badiaraino iritsi ziren misioak eratzera. Denborak igaro ahala, misio horiek hiri garrantzitsuak bilakatu ziren, San Diego, Los Angeles, San Francisco edo Sacramento, esaterako. Misioak modu baketsuan ezarri ziren eta, hiritarrak katolizismora bihurtzen ziren bitartean, erlijiosoak haziak eta animaliak ematen zizkieten eta laborantza, abeltzaintza, igeltserotza eta ehungintza arloetan trebatu zituzten. 1988an beatifikatu zuen Juan Pablo II Aita Sainduak.
Zigiluan, Fray Juniperoren irudia eta Behe Kaliforniaren mapa ikus ditzakegu.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.