Jaulkipen data: 25 iraila 2015
GASTRONOMIA BABESTUTAKO JATORRI DEITURAK
Babestutako Jatorri Deiturei (BJD) eskainitako gaiari ekingo diogu. Horrek jatorri-deitura duten produktuak sustatzen ditu. Zigilua datozen urteetan kaleratuko da eta kasu honetan, Galiziari buruzkoa izango da, herboiko Piper mota desberdinei eta Galiziako muskuiluari buruzkoak hain zuzen ere. Bi produktuak bloke-orrian eta hori osatzen duten zigiluetan agertuko dira.
“Batzuek pikatzen dute eta beste batzuek ez”, diote Padroiko piperrei buruz. Piperrek duten capsicina kopuruaren araberakoa da, izan ere piperrari pikante gehien ematen dion osagaia da. Kolore berdea duen fruitu txiki honek 2009ko uztailaren 1ean jaso zuen Babestutako Jatorri Deituraren aintzatespena. Atlantiar isurialdeko alde batean soilik ekoizten da, non altuera gutxiko ibar multzoa dagoen, Ulla eta Sar ibaien artean hain zuzen ere. Gunea isolatzen duten mendikateek babesten dute gunea eta piperrak lantzeko klima egokia ematen du horrek. Piper mota hau Padroi udalerriko San Antonio de Herbón komentuko monje frantziskotarrak hasi ziren hazten XVII. mendean. Haziak Mexikoko Tabasko estatutik ekarri zituzten eta landatu egin zituzten.
Galiziako muskuilua oso aberatsa da mineraletan (burdina, fosfatoa eta zinka) eta bitaminetan. Oso molusku preziatua da bere zaporeagatik eta modu desberdinetan prestatu daitekeelako. Galiziako Muskuiluaren Batzorde Erregulatzailea 1994an eratu zen gaur egun hain ezaguna den produktu horren kalitatea sustatzeko asmoarekin. Galiziako itsasadarrak ingurune oso bereziak dira muskuiluak hazteko beren kokapen geografikoa dela eta. Ozeanoetako eta ibaietako korronteek bat egiten dute bertan eta elikagai iturri garrantzitsua metatzen da bertan. Moluskuak txaneletan hazten dira eta muskuiluak, freskoak zein eraldatuak, hazten eta merkaturatzen dituzten enpresa gehienek dute Babestutako Jatorri Deitura.
1945ean urperatu zen lehen txanela Arousako itsasadarrean. Urte batzuk beranduago garapen handia izan zuen muskuiluaren hazkundeak akuikulturaren munduan eta inguruko herrietako baliabide ekonomiko garrantzitsuena bihurtu da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.