Jaulkipen data: 28 uztaila 2015
GIZADIAREN ONDARE EZ-MATERIALA
Gomerako txistu-hizkuntza eta Mediterraneoko dieta dira serie honetako motiboak, Gizadiaren Ondare Ez-materialak.Horrelako ondareen zerrenda osatzen duten elementuek berezitasun etnografikoa eta kulturala izaki, babestu egin behar dira etorkizuneko belaunaldietara ere iristen direla bermatzeko.
Gomerako txistu-hizkuntza, La Gomera uhartekoa (Kanariak), txistua joz hitz egiten den, garatu den eta komunitate handi batek hitz egiten duen munduko hizkuntza bakarra da. Teknika konplexu samarra bada ere, ahozko hizkuntza txistuka erreproduzitzean datza; hala, bokalak eta kontsonanteak ordezten dituzte tonu, etete edo jarraitutasunagatik elkarren artean desberdintzen diren txistuek. Baliabide horri esker, uharteko trokarte sakon batetik bestera komunikatu ahal izan dira historian zehar, eta txistu-hizkuntza irakasleek ikasleei helarazi eta familiartean erakusten zioten. 1999an txistu-hizkuntza ez desagertzeko, Kanarietako Gobernuak eskoletako irakaskuntza-programan barne hartu zuen. Eta 2009an izendatu zuen UNESCOk Gizadiaren Ondare Ez-material.
Bernard Romain (Roanne, 1944) margolari frantsesaren lanez hornitu da zigilua. Errealitate Areagotuan (RA) dago eta esaldi hau entzun daiteke: “Gizadiaren Ondare Ez-material den La Gomerako txistu-hizkuntzaren omenez Correos-ek plazaratutako zigilua”.
Mediterraneoko dieta bizitzeko modua da, ezagutza, praktika eta tradizioen nahasketa, beti hazkuntzarekin, uztekin, errezetekin, ospakizunekin eta familiartean eta gizartean bertan partekatzen diren jan-edanekin lotzen dena. Ez da elikatzeko modu soila, gizarte kohesioa eta aniztasunaren errespetua ere barne hartzen ditu. Gizadiaren Ondare Ez-material izendatu zen 2010ean, Espainia, Zipre, Kroazia, Grezia, Italia, Maroko eta Portugal bat egiten zituen izendapenarekin. Elikadura, batik bat, frutak, barazkiak, eltzekariak, zerealak, fruitu lehorrak eta oliba-olioa kontsumitzean datza, Meditaterraneo ingurukoak.
Zigiluak produktu horiei egiten die erreferentzia eta olio-tanta bat ageri da erliebearekin, bernizarekin inprimatuta, ehundura eta oleaginoso itxura emateko.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.