Jaulkipen data: 08 iraila 2015
PERTSONAIAK
Fermín Caballero ere Pertsonaiak zigilu serie honetan sartu dugu Espainiako zigiluaren jatorriarekin duen loturagatik. Isabel II.aren erregealdiko politiko eta intelektual ezaguna izan zen. 1843. urtean, Gobernazioko Ministro zela, aurretiko frankeoa ezartzea aztertzeko lehen agindua atera zuen: “Europa kultuko zenbait herrialdetan erabiltzen da...…”
Zigiluan pertsonaiaren aurpegi erdia agertzen da, non bere begirada bizia nabarmentzen den. Atzeko aldean Madrilgo irudiak eta 1850eko lehen zigilua agertzen dira "Certificado" hitzarekin batera. Inprimatzeko zilarrezko papera erabili da itxura metalizatua emateko.
Fermín Caballero (Barajas de Melo, Cuenca, 1800 – Madril, 1876) familia onekoa zen eta bere lehen ikasketak herrian bertan egin zituen. Bere bizitza Elizari eskaini zion bere familiako kide askok egin zuten bezala. Cuencako seminarioan ikasi zuen Filosofia eta ondoren Zaragozako Unibertsitatera joan zen Teologia ikastera. 1820. urteko iraultzak bere norabidea aldatu zuen eta politikan inplikatzen hasi zen, eliza zuzenbideagatik aldatuz. Alcalá de Henareseko Unibertsitatean (Madril) ikasi zuen Zuzenbidea.
Ideia liberalak zituen, Alderdi Progresistan sartu zen eta 1834an Madrilen eta Cuencan hautatu zuten prokuradore gisa eserlekua hartzeko. Cuencakoa hautatu zuen. Aldaketa politiko askoko garai aztoratu hartan, Fermín Caballero Madrilgo alkate eta Gobernazioko Ministro izan zen Joaquín María Lópezen agintaldian. Gobernua erortzean, jarduera politikoa utzi eta lan intelektualari ekin zion. Obra ugari argitaratu zituen.
Gaztetan, “Boletín de comercio” egunkariko erredaktore izan zen. Egunkariak “Eco del comercio” izena hartu zuen ondoren eta oso rol garrantzitsua izan zuen liberalismoaren garapenean.
Geografia eta nekazaritza ere ikasi zituen. Lurralde Banaketa batzordeko kide izan zen eta sistema estatistikoa eta biztanleriaren erroldaren oinarriak zehazteko lan egin zuen. Argitaratu zituen lanen artean aipatzekoak dira: “Nomenclatura geográfica de España” (1834), “Manual geográfico-administrativo” (1844) eta “Fomento de la población rural” (1863).
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.