Jaulkipen data: 23 uztaila 2015
URTEURRENAK
Auzitegi Konstituzionala 1979ko urriaren 3ko Lege Organikoaren bidez sortu zen. Urteurrena izaki eta kontuan hartuta instituzio honek Espainiako Estatuan duen garrantzia, orri-bloke bat plazaratu da “Auzitegi Konstituzionalaren XXXV. Urteurrena” gogorarazteko.
Lege araugileak dioen moduan "Espainiako Konstituzioaren goi-mailako interpretea" da. Estatuko beste organo konstituzionalekiko independentea da, eta Konstituzioaren eta bere Lege Organikoaren baitan baino ez dago. Ez dago horrelako besterik, eta jurisdikzioa lurralde nazional osora zabaltzen da. Funtzio garrantzitsuenak bete behar izaten ditu: legeak zenbateraino diren konstituzional kontrolatzea; Konstituzioan herritarrentzako ezartzen diren oinarrizko eskubide eta askatasun publikoak zaintzea eta Estatuaren eta Autonomia Erkidegoen arteko eskumen-gatazkei irtenbidea ematea, besteak beste.
Errege Dekretu bidez izendatzen ditu Erregeak Auzitegi Konstituzionaleko hamabi kideak. Horietatik lau Diputatuen Kongresuak proposatzen ditu; lau Senatuak; bi Gobernuak eta beste bi Botere Judizialeko Kontseilu Nagusiak. Kargua bederatzi urtetarako da, eta magistratuak edo fiskalak, unibertsitate-irakasleak, funtzionario publikoak edo abokatuak diren Espainiako hiritarrak izendatzen dira; Juristak izan behar dute, aintzatetsitako gaitasunekin, eta gutxienez hamabost urteko esperientzia izan ibilbide profesionalean.
Auzitegi Konstituzionalak kanpoan ere badu eragina eta laguntasun eta kooperazio harremanak izan ohi ditu beste herrialde batzuetako antzeko instituzioekin; gauzak horrela, justizia konstituzionalarekin lotutako topaguneetan parte hartzen du. Halaber, Giza Eskubideen Europako Auzitegiarekin eta Europar Batasuneko Justizia Auzitegiarekin ere harremanetan egon ohi da.
Erakundeak Madrilgo Domenico Scarlatti kalean duen egoitza ageri da orri-bloke honetan. Eraikinaren egitura nagusiak zazpi solairu ditu, oinplano zirkulardun pabiloi zentralarekin eta atal trapezoidal batekin; beste hiru egitura zirkular txikiago ere baditu, elkarrekin lotuta daudenak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.